ప్రపంచవ్యాప్తంగా కోట్ల మంది ప్రజల డిజిటల్ జీవితంలో భాగమైన ప్రముఖ సెర్చ్ ఇంజిన్ ‘గూగుల్’ నేడు తన 28వ పుట్టినరోజును జరుపుకుంటోంది. ఈ ప్రత్యేకమైన సందర్భాన్ని పురస్కరించుకుని సంస్థ తన అధికారిక హోమ్ పేజీలో ఒక ఆకర్షణీయమైన ‘డూడుల్’ను ప్రదర్శిస్తోంది.
1998 సెప్టెంబర్ 4వ తేదీన స్టాన్ఫోర్డ్ విశ్వవిద్యాలయానికి చెందిన PhD విద్యార్థులు లారీ పేజ్, సెర్గీ బ్రిన్ కలసి ఈ సెర్చ్ ఇంజిన్ను ప్రారంభించారు. ప్రారంభ రోజుల్లో గూగుల్ తన ఆవిర్భావ దినోత్సవాన్ని సెప్టెంబర్ నెలలోని వేర్వేరు తేదీలలో జరుపుకునేది. అయితే వెబ్ ఇండెక్సింగ్ (Web Indexing) విభాగంలో ఒక కీలకమైన విజయాన్ని సాధించిన సందర్భంగా, దానికి గుర్తుగా 2006వ సంవత్సరం నుండి ప్రతి ఏటా సెప్టెంబర్ 27వ తేదీనే తన పుట్టినరోజుగా అధికారికంగా నిర్వహిస్తోంది.
సమాచారాన్ని వేగంగా అందించే సాధారణ సెర్చ్ ఇంజిన్గా మొదలైన గూగుల్ ప్రయాణం, ప్రస్తుతం ఆర్టిఫిషియల్ ఇంటెలిజెన్స్ (AI) దిశగా విస్తరించింది. గూగుల్ ಸಂಸ್ಥ తన అత్యాధునిక ‘జెమిని’ (Gemini) ద్వారా ప్రపంచవ్యాప్తంగా ఉన్న వినియోగదారులకు సరికొత్త ఏఐ సేవలను అందిస్తూ సాంకేతిక ప్రపంచంలో సరికొత్త విప్లవాన్ని సృష్టిస్తోంది.
‘పాలిచ్చే బర్రెను వదిలి.. తన్నే దున్నపోతును తెచ్చుకున్నారు’: ప్రభుత్వంపై కేటీఆర్ ఘాటు వ్యాఖ్యలు