క్రైమ్ మిర్రర్,తెలంగాణ:- తెలంగాణ సంస్కృతీ సంప్రదాయాలకు ప్రతీక అయిన బతుకమ్మ పండుగ వేళ పూల మార్కెట్లు కళకళలాడుతున్నాయి. అయితే, ఈ వేడుకల సమయంలో పూల ధరలు ఒక్కసారిగా ఆకాశాన్నంటడం సరికొత్త భారాన్ని మోపుతోంది. ఇటీవల కురిసిన వర్షాలు, వర్షాభావ పరిస్థితుల కారణంగా పూల దిగుబడి గణనీయంగా తగ్గడం, అదే సమయంలో పండుగ వల్ల డిమాండ్ విపరీతంగా పెరగడమే ఈ ధరల పెరుగుదలకు ప్రధాన కారణంగా మారుతోంది.బతుకమ్మ పేర్చడానికి అత్యంత ముఖ్యమైన గునుగు, తంగేడు, బంతి, చామంతి మరియు గులాబీ పూల ధరలకు రెక్కలొచ్చాయి. హైదరాబాద్‌లోని ప్రముఖ గుడిమల్కాపూర్ హోల్‌సేల్ మార్కెట్‌లో బంతిపూల ధర కిలో రూ. 150 నుంచి రూ. 180 వరకు పలుకుతోంది. అలాగే చామంతి పూల ధర రూ. 300 నుండి రూ. 400 దాకా పెరగ్గా, గులాబీల ధర రూ. 200 నుండి రూ. 250 వరకు విక్రయిస్తున్నారు.
ఆడపడుచులకు బతుకమ్మ పండుగ ఎంతో విశిష్టమైనది కావడంతో పూలు కొనడం తప్పనిసరిగా మారింది. ధరలు ఎంతగా పెరిగినా, ఖర్చుకు వెనకాడకుండా సంబరాలను ఘనంగా జరుపుకోవడానికి మహిళలు పూలను కొనుగోలు చేస్తున్నారు. పూల వ్యాపారులు మాత్రం దిగుబడి తక్కువగా ఉండటం వల్లే ధరలు పెంచాల్సి వస్తోందని వివరిస్తున్నారు.
భారీ స్కోర్ చేసినా దక్కని విజయం: కెప్టెన్ అయ్యర్ ఖాతాలో అన్ వాంటెడ్ రికార్డు!