వైరల్

శంషాబాద్లో విషాదం...! ఉరి వేసుకుని వివాహిత మృతి..! సంతానం లేకపోవడం కారణమా? Crime Mirror, Rangareddy: రంగారెడ్డి జిల్లా శంషాబాద్ మండలం గొల్లపల్లి గ్రామంలో విషాదకర సంఘటన చోటుచేసుకుంది. ఓ వివాహిత తన ఇంటిలో ఉరి వేసుకుని మృతి చెందిన ఘటన స్థానికంగా కలకలం రేపింది. పోలీసులు కేసు నమోదు చేసి దర్యాప్తు ప్రారంభించారు. మృతురాలు స్వప్న (36), గృహిణి. ఆమెకు 2021 అక్టోబర్ 24న పెద్దల సమక్షంలో శంషాబాద్కు చెందిన శ్రీకాంత్ అలియాస్ శివతో వివాహం జరిగింది. వివాహం తర్వాత ఆమె భర్తతో కలిసి అత్తమామల వద్దే నివసిస్తూ వచ్చేది. శ్రీకాంత్ హైదరాబాద్లో ఓ హోటల్లో లాండ్రీ మేనేజర్గా పనిచేసేవాడు. ఆర్థిక ఇబ్బందుల నేపథ్యంలో రెండు సంవత్సరాల క్రితం శ్రీకాంత్ తన అన్నతో కలిసి దుబాయ్కు వెళ్లాడు. అప్పటి నుంచి స్వప్న తన అత్తమామలతో కలిసి గొల్లపల్లిలోనే ఉంటోంది. ఆమె ఇంటి మొదటి అంతస్తులో ఒంటరిగా నివసించేది. స్వప్నకు సంతానం లేకపోవడం ఆమెను మానసికంగా కలవరపెడుతుందని కుటుంబ సభ్యులు చెబుతున్నారు. ఈ విషయంపై ఆమె తరచూ బాధపడుతూ ఉండేదని తెలిసింది. ఈ నెల 2వ తేదీ ఉదయం స్వప్న తన భర్తతో పాటు తన చెల్లితో వీడియో కాల్లో మాట్లాడింది. ఆ సమయంలో సంతానం లేని విషయం గురించి ఆమె తీవ్రంగా భావోద్వేగానికి లోనై ఏడ్చిందని సమాచారం. అనంతరం కుటుంబ సభ్యులు పలుమార్లు ఫోన్ చేసినా స్పందించలేదు. సాయంత్రం ఆమె అత్త స్వర్ణలత గదికి వెళ్లి పలుమార్లు తలుపు తట్టినా స్పందన రాకపోవడంతో తలుపు బద్దలు కొట్టి లోపలికి వెళ్లారు. అక్కడ స్వప్న ఫ్యాన్కు చున్నీతో ఉరి వేసుకుని మృతి చెందిన స్థితిలో కనిపించింది. ఈ ఘటనపై సమాచారం అందుకున్న పోలీసులు ఘటనాస్థలికి చేరుకుని మృతదేహాన్ని పరిశీలించారు. అనంతరం కేసు నమోదు చేసి దర్యాప్తు కొనసాగిస్తున్నారు. ప్రాథమిక సమాచారం ప్రకారం, సంతానం లేకపోవడం వల్ల కలిగిన మనస్తాపమే ఈ విషాదానికి కారణమై ఉండొచ్చని అనుమానం వ్యక్తమవుతోంది. అయితే పూర్తి వివరాలు దర్యాప్తులో వెల్లడి కానున్నాయి.

ఆరావళి ఎక్స్‌ప్రెస్‌లో హైడ్రామా.. రైల్వే సిబ్బందిపై బ్లేడ్‌తో మోడల్ దాడి!

అనసూయపై కేసు.. తగ్గేదేలే అంటున్న నటి! ‘నా మాటలకు కట్టుబడే ఉన్నా’ అంటూ స్ట్రాంగ్ కౌంటర్

72 ఏళ్ల వయసులో మనవడితో కలిసి ఎల్‌బ్రస్ శిఖరాన్ని అధిరోహించిన విజయవాడ వాసి

బాదం, వాల్‌నట్స్ కంటే ఇవే బెస్ట్… తక్కువ క్యాలరీలతో పోషకాలు ఎక్కువగా ఉండే సూపర్ నట్ ఇదే…!

రోజ్‌మేరీ ఆయిల్‌తో జుట్టుకే కాదు.. మెదడుకు కూడా ప్రయోజనాలేనా? ఇలా వాడితేనే సేఫ్…!

Most Read

శ్రష్టి వర్మ రాజకీయ అరంగేట్రం.. బీజేపీలో చేరిన ప్రముఖ కొరియోగ్రాఫర్

రాహుల్ గాంధీ ఆస్తుల కేసు.. కేంద్ర దర్యాప్తు సంస్థలకు సుప్రీంకోర్టు కీలక ప్రశ్నలు

అవినీతిపై బాబా రాందేవ్ సంచలన హెచ్చరిక.. మళ్లీ ఉద్యమం తప్పదంటూ వార్నింగ్!

“మహిళలను రాజకీయ వివాదాల్లోకి లాగడం సరికాదు”- అన్నామలై కీలక వ్యాఖ్యలు

EDITOR PICKS

శ్రష్టి వర్మ రాజకీయ అరంగేట్రం.. బీజేపీలో చేరిన ప్రముఖ కొరియోగ్రాఫర్

రాహుల్ గాంధీ ఆస్తుల కేసు.. కేంద్ర దర్యాప్తు సంస్థలకు సుప్రీంకోర్టు కీలక ప్రశ్నలు

అవినీతిపై బాబా రాందేవ్ సంచలన హెచ్చరిక.. మళ్లీ ఉద్యమం తప్పదంటూ వార్నింగ్!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags