తెలంగాణ

గత ప్రభుత్వ హయాంలో నిలిచిపోయిన వ్యవసాయ యాంత్రీకరణ పథకాన్ని జనవరి నెలలో తిరిగి ప్రారంభించనున్నట్లు రాష్ట్ర వ్యవసాయశాఖ మంత్రి తుమ్మల నాగేశ్వరరావు స్పష్టం చేశారు. ఈ పథకం పునఃప్రారంభానికి ఇప్పటికే అన్ని ఏర్పాట్లు జరుగుతున్నాయని, రైతుల నుంచి దరఖాస్తుల స్వీకరణ ప్రక్రియ కొనసాగుతోందని ఆయన తెలిపారు. జనవరి నెలలో లబ్ధిదారులను ఎంపిక చేసి ముఖ్యమంత్రి చేతుల మీదుగా వ్యవసాయ యంత్రాలు, పనిముట్లను అందజేయనున్నట్లు వెల్లడించారు. ఈ అంశంపై సచివాలయంలో వ్యవసాయశాఖ ఉన్నతాధికారులతో మంత్రి తుమ్మల సమీక్ష సమావేశం నిర్వహించారు. ఈ సమావేశంలో రాష్ట్ర వ్యవసాయశాఖ కార్యదర్శి సురేంద్రమోహన్, వ్యవసాయ డైరెక్టర్ గోపి, అదనపు డైరెక్టర్ విజయకుమార్ పాల్గొన్నారు. సమావేశంలో పథకాల అమలు పురోగతి, రైతులకు అందుతున్న లబ్ధి, భవిష్యత్ కార్యాచరణపై విస్తృతంగా చర్చించారు. ఈ సందర్భంగా మంత్రి మాట్లాడుతూ.. బీఆర్ఎస్ ప్రభుత్వ హయాంలో ఆపివేసిన కేంద్ర ప్రాయోజిత పథకాలను ప్రస్తుత ప్రభుత్వం క్రమంగా పునరుద్ధరిస్తోందని తెలిపారు. రైతుల ప్రయోజనాలే ప్రధాన లక్ష్యంగా ప్రభుత్వం పనిచేస్తోందని, అందులో భాగంగానే వ్యవసాయ రంగానికి సంబంధించిన కీలక పథకాలను తిరిగి అమలు చేస్తున్నామని స్పష్టం చేశారు. ఇప్పటికే జాతీయ ఆహార భద్రత మిషన్లో భాగంగా పప్పుదినుసుల విత్తనాలను రైతులకు సబ్సిడీపై పంపిణీ చేసినట్లు మంత్రి గుర్తు చేశారు. ఇప్పుడు అదే దిశగా వ్యవసాయ యాంత్రీకరణ పథకాన్ని కూడా పునరుద్ధరిస్తున్నామని తెలిపారు. ఈ పథకం ద్వారా రాష్ట్రవ్యాప్తంగా 1.31 లక్షల మంది చిన్న, సన్నకారు రైతులకు సబ్సిడీపై ఆధునిక వ్యవసాయ యంత్రాలు, పనిముట్లు అందించనున్నట్లు వెల్లడించారు. యాంత్రీకరణ వల్ల రైతుల పనిభారం తగ్గడమే కాకుండా, సాగు వ్యయాలు తగ్గి దిగుబడులు పెరుగుతాయని ఆయన పేర్కొన్నారు. వ్యవసాయ రంగాన్ని ఆధునీకరించడమే కాకుండా, రైతుల ఆదాయం పెంచడమే ప్రభుత్వ లక్ష్యమని తుమ్మల నాగేశ్వరరావు అన్నారు. యాంత్రీకరణ పథకం అమలుతో గ్రామీణ ఆర్థిక వ్యవస్థకు మరింత బలం చేకూరుతుందని, యువత వ్యవసాయంపై ఆసక్తి చూపే అవకాశముందని ఆయన అభిప్రాయపడ్డారు. ఇదిలా ఉండగా, యాసంగి సీజన్కు సంబంధించిన రైతుభరోసా పథకం అమలుపై కూడా మంత్రి కీలక ప్రకటన చేశారు. రైతుభరోసా పథకం పారదర్శకంగా అమలు చేసేందుకు శాటిలైట్ ఇమేజ్ మ్యాపింగ్ను పరిగణనలోకి తీసుకుంటామని తెలిపారు. ఉపగ్రహ చిత్రాల ఆధారంగా సాగుబడి భూములను పరిశీలించి అర్హులైన రైతులకు మాత్రమే పథకం వర్తింపజేస్తామని స్పష్టం చేశారు. యూరియా సరఫరా అంశంపై ప్రతిపక్షాలు అనవసర రాద్ధాంతం చేస్తున్నాయని మంత్రి తుమ్మల విమర్శించారు. రాష్ట్ర ప్రభుత్వం ప్రవేశపెట్టిన యూరియా యాప్పై తప్పుడు ప్రచారం జరుగుతోందని ఆరోపించారు. ఇప్పటికే ఐదు జిల్లాల్లో యూరియా యాప్ విజయవంతంగా అమలవుతోందని తెలిపారు. రైతులు యూరియా విషయంలో ఎలాంటి ఆందోళన చెందాల్సిన అవసరం లేదని భరోసా ఇచ్చారు. యూరియా పంపిణీలో పారదర్శకత తీసుకురావడమే లక్ష్యంగా ఈ యాప్ను ప్రవేశపెట్టామని, దశలవారీగా రాష్ట్రవ్యాప్తంగా అమలు చేస్తామని మంత్రి వెల్లడించారు. రైతులకు అవసరమైన ఎరువులు సమయానికి, సరైన విధంగా అందేలా ప్రభుత్వం అన్ని చర్యలు తీసుకుంటుందని స్పష్టం చేశారు. రైతు సంక్షేమమే ప్రభుత్వ ప్రాధాన్యత అని మరోసారి తుమ్మల నాగేశ్వరరావు స్పష్టంగా చెప్పారు. ALSO READ: TODAY PRICE: మళ్లీ పెరిగిన బంగారం, వెండి ధరలు

50 స్థానాలపై కవిత గురి.. జాగృతి బలమైన ప్రాంతాల్లోనే పోటీకి సన్నద్ధం!!

హైద‌రాబాద్‌లో భారీగా పెరిగిన ఇంటి అద్దెలు…! సామాన్యుల‌పై భారం…

12వ అంతర్జాతీయ యోగా దినోత్సవ వేడుకలు.. పరేడ్ గ్రౌండ్‌లో ప్రత్యేకంగా 1-డే కౌంట్‌డౌన్ ఈవెంట్!!

బండి భగీరథ్‌కు బిగ్ రిలీఫ్.. పోక్సో కేసులో బెయిల్ మంజూరు చేసిన కోర్టు!!

హనుమకొండ బాలుడు నిరంజన్ ఇంటికి బండ్ల గణేష్.. రూ.5 లక్షల చెక్ అందజేత..

Most Read

కూతురు క్లింకార ఫేస్ రివీల్ చేసిన రామ్ చరణ్.. ఎంత ముద్దుగా ఉందో..

బిజెపితో సమాజ్ వాది రాజీ!.. బెంగాల్, మహారాష్ట్ర పరిణామాలతో మేల్కొన్న అఖిలేష్ యాదవ్!!

అజ్ఞాతంలోకి కొడాలి నాని!.. స్థానిక ఎన్నికల నియమావళి ఉల్లంఘన కేసులో ప్రాసిక్యూషన్ కు అనుమతి!

టిడిపికి షాక్?!.. పార్టీకి రెడ్డప్ప గారి దంపతులు గుడ్ బై?!

EDITOR PICKS

కూతురు క్లింకార ఫేస్ రివీల్ చేసిన రామ్ చరణ్.. ఎంత ముద్దుగా ఉందో..

బిజెపితో సమాజ్ వాది రాజీ!.. బెంగాల్, మహారాష్ట్ర పరిణామాలతో మేల్కొన్న అఖిలేష్ యాదవ్!!

అజ్ఞాతంలోకి కొడాలి నాని!.. స్థానిక ఎన్నికల నియమావళి ఉల్లంఘన కేసులో ప్రాసిక్యూషన్ కు అనుమతి!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel