తెలంగాణ

బిజెపిలో చేరిక విషయంలో వ్యూహాత్మకంగా.. గులాబీ పార్టీ పై గౌరవం ఉందని ప్రకటించిన ప్రీతి రెడ్డి క్రైమ్ మిర్రర్, తెలంగాణ బ్యూరో: మల్లారెడ్డి బిజెపిలో చేరుతారా? అయితే ఎప్పుడు చేరుతారు? ఆయన నేరుగా చేరుతారా? లేకుంటే కోడలు ప్రీతి రెడ్డిని ముందుగా పంపిస్తారా? తెలంగాణ పొలిటికల్ సర్కిల్లో దీనిపైనే చర్చ నడుస్తోంది. ఇటీవల మల్లారెడ్డి తన కోడలితో కలిసి ప్రధాని నరేంద్ర మోడీని కలిసిన సంగతి తెలిసిందే. అప్పటినుంచి మల్లారెడ్డి ఫ్యామిలీ బీజేపీలో ఎంట్రీ పై రకరకాల చర్చ నడుస్తోంది. అయితే బిజెపిలో చేరికను ఖండించలేరు కానీ.. గులాబీ పార్టీ పై గౌరవం ఉందంటూ చెప్పడం ద్వారా ఈ ప్రచారానికి చెక్ పెట్టారు మల్లారెడ్డి. కానీ ఆ ఫ్యామిలీ ఎప్పటికైనా బిజెపి గూటికి చేరడం ఖాయమని తెలంగాణలోని పొలిటికల్ విశ్లేషకులు కుండబద్దలు కొడుతున్నారు. ప్రధానిని కలిసాక కూడా.. ఎప్పుడైతే ప్రధాని నరేంద్ర మోడీని ప్రత్యేకంగా కలిశారో అప్పుడే మల్లారెడ్డి ఫ్యామిలీ కాషాయ గూటికి చేరడం ఖాయం అని తేలిపోయింది. అయితే బిజెపిలో చేరుతానన్న ప్రచారానికి తెలివిగా చెప్పి పెట్టారు మల్లారెడ్డి కోడలు ప్రీతి రెడ్డి. బిజెపి కార్యాలయానికి వెళ్లి మరి చర్చలు జరిపారు. కానీ ఇప్పుడు బీజేపీలో చేరడం లేదని చెప్పడం ద్వారా తన తెలివితేటలను ప్రదర్శించారు. నిజానికి ఆమె ఏ పార్టీలోనూ లేరు. అసలు రాజకీయాల్లోనే లేరు. కానీ మల్లారెడ్డి మాత్రం మాజీ మంత్రి. గులాబీ పార్టీ ఎమ్మెల్యే. ఒకవైపు ఆ పార్టీకి దూరంగా ఉంటూనే.. చాలా గౌరవం ప్రదర్శిస్తూ వచ్చారు కెసిఆర్ పట్ల. మరోసారి రాజకీయాల నుంచి రిటైర్మెంట్ తీసుకుంటున్నానని కూడా చెప్పుకొచ్చారు. కానీ దేనిపై కూడా ఫుల్ క్లారిటీ లేదు. ఇప్పుడు బిజెపి అగ్ర నాయకత్వాన్ని కలిసి బిజెపిలో చేరడం లేదని చెప్పడం ద్వారా తన తెలివితేటలను ప్రదర్శించారు మల్లారెడ్డి.. ఎంపీ అభ్యర్థిగా కోడలు.. వచ్చే ఎన్నికల్లో మల్లారెడ్డి కోడలు ప్రీతి రెడ్డి బిజెపి తరఫున ఎంపీగా బరిలో దిగడం ఖాయం. రాజకీయ వర్గాల్లో కూడా దీనిపై క్లారిటీ ఉంది. అయితే బిజెపి అగ్రనేతలతో చర్చలు జరిపి.. పార్టీ చేరికకు సంబంధించి ఇంకా ముహూర్తం ఖరారు చేయకపోవడం చూస్తుంటే తెరవెనుక వ్యూహం ఉన్నట్లు అర్థమవుతోంది. తన కోడలు ప్రీతి రెడ్డితో మల్లారెడ్డి మాట్లాడిస్తున్నారు. ఆమె గులాబీ పార్టీ నాయకత్వం పై గౌరవం అన్న పదాన్ని వాడుతూనే ఆ పార్టీలో కొనసాగుతామని మాత్రం ప్రత్యేకంగా చెప్పడం లేదు. ఇప్పటికే మల్లారెడ్డి ఫ్యామిలీ ఒక స్ట్రాంగ్ డిసిషన్ తీసుకుంది. ప్రీతి రెడ్డి ద్వారా బిజెపి తో తమ ప్రయాణం అని ఆ ఫ్యామిలీ క్లారిటీ ఇచ్చింది. అయితే గులాబీ పార్టీ ఎమ్మెల్యేగా మల్లారెడ్డి కొనసాగుతున్న నేపథ్యంలో.. చాలా తెలివిగా వ్యవహరిస్తోంది ఆ ఫ్యామిలీ. ఇప్పటికిప్పుడు బిజెపిలో కలవకపోయినా ఆ పార్టీ మల్లారెడ్డి ఫ్యామిలీని మాత్రం ఓన్ చేసుకునే పనిలో పడింది. తద్వారా మూడు కోణాల్లో రాజకీయం చేశారు మల్లారెడ్డి. ఒకటి కాంగ్రెస్ ప్రభుత్వం తన జోలికి రాకపోవడం, గులాబీ పార్టీ సాఫ్ట్ కార్నర్ తో ఉండడం, భవిష్యత్తులో బిజెపి ఆప్షన్ ఉంచేలా చేసుకోవడం వంటివి పగడ్బందీగా ప్రణాళిక వేసి అమలు చేస్తున్నారు మల్లారెడ్డి. తెలంగాణలో బిజెపి మిషన్ ప్రారంభించాక మల్లారెడ్డి ఫ్యామిలీ తమ మార్కు రాజకీయాన్ని ప్రారంభిస్తుందన్న మాట.

కుప్పకూలిన 7 అంతస్థుల భవనం…అసలు అనుమతులు ఎవరిచ్చారు…?

సీఎం విదేశీ పర్యటన బ్రేక్ వెనుక.. ధర్మపురి అరవింద్…?!

కొండా సురేఖ ఔట్….?!

ఢిల్లీకి తాకిన వనపర్తి కాంగ్రెస్ పంచాయితీ….!

కాంగ్రెస్ లో ఇమడలేరు.. బిఆర్ఎస్ లో చేరలేరు…!

Most Read

గోదావరిలో విషాదం.. ఏఈ నూకరాజు భార్య మీనా మృతదేహం లభ్యం

ఢిల్లీలో దారుణం.. సాఫ్ట్‌వేర్ ఇంజినీర్‌పై బంధువుల దాడి.. ప్రాణాలు కోల్పోయిన యువకుడు

బిహార్‌లో ఘోర రోడ్డు ప్రమాదం.. ఆర్కెస్ట్రాపైకి దూసుకెళ్లిన బస్సు.. ఐదుగురు మృతి

పహల్గామ్ ఉగ్రదాడి కేసులో హఫీజ్ సయీద్‌కు NIA సమన్లు.. పాక్ లో ఉన్న సయీద్‌కు నోటీసులు పంపేందుకు సిద్ధం

EDITOR PICKS

గోదావరిలో విషాదం.. ఏఈ నూకరాజు భార్య మీనా మృతదేహం లభ్యం

ఢిల్లీలో దారుణం.. సాఫ్ట్‌వేర్ ఇంజినీర్‌పై బంధువుల దాడి.. ప్రాణాలు కోల్పోయిన యువకుడు

బిహార్‌లో ఘోర రోడ్డు ప్రమాదం.. ఆర్కెస్ట్రాపైకి దూసుకెళ్లిన బస్సు.. ఐదుగురు మృతి

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags