లైఫ్ స్టైల్

క్రైమ్ మిర్రర్, హెల్త్ న్యూస్:- అమ్మా.. తలనొప్పిగా ఉంది, మెడ నొప్పిగా ఉంది అంటూ యువత చెబుతుంటే.. రోజంతా ఫోన్ చూస్తే ఇలానే ఉంటుంది అనే మాట ఇప్పుడు చాలా ఇళ్లలో కామన్ అయిపోయింది. కానీ అది కేవలం మాట మాత్రమే కాదు.. అందులో నిజం కూడా ఉందని నిపుణులు చెబుతున్నారు. ఈ రోజుల్లో మెడ నొప్పి, నడుము నొప్పి, కాళ్ల నొప్పి వంటి సమస్యలు పెద్దవారిలోనే కాదు.. Gen Zలో కూడా వేగంగా పెరుగుతున్నాయి.ముఖ్యంగా మొబైల్, ల్యాప్టాప్ల ముందు గంటల తరబడి గడపడం.. సరైన భంగిమలో కూర్చోకపోవడం.. వ్యాయామం లేకపోవడం.. నిద్రలేమి, ఒత్తిడి వంటి కారణాలు శరీరంపై ప్రభావం చూపుతున్నాయి. చిన్న వయసులోనే శరీరం అలసిపోవడం, తరచూ నొప్పులు రావడం ఇప్పుడు సాధారణంగా మారిపోతోంది. మెడ నొప్పికి ప్రధాన కారణం ఫోన్ చూస్తూ తల వంచి ఎక్కువసేపు ఉండటమే. అలాగే ల్యాప్టాప్ ముందు వంగి కూర్చోవడం వల్ల కూడా మెడపై ఒత్తిడి పెరుగుతుంది. వీడియో గేమ్స్, సోషల్ మీడియా, టెక్స్టింగ్ లాంటి అలవాట్లు మెడ కండరాలను బలహీనపరుస్తాయి. మొదట చిన్న అసౌకర్యంగా మొదలైనా.. తర్వాత అది తీవ్రమయ్యే అవకాశం ఉంటుంది.ఇక వ్యాయామం లేకపోవడం కూడా మరో పెద్ద కారణం. బయట నడక, ఆటలు తగ్గిపోవడంతో రోజంతా ఒకేచోట కూర్చునే అలవాటు పెరిగింది. దీంతో కండరాలు బలహీనపడి.. నడుము, కాళ్లపై ప్రభావం పడుతోంది.ఎక్కువసేపు కదలకుండా ఉండటం వల్ల కాళ్లలో రక్తప్రసరణ కూడా సరిగా జరగదు. దీంతో కాళ్ల నొప్పి, బలహీనత కనిపిస్తుంది. స్ట్రెచింగ్ లేకపోవడం.. అసౌకర్యంగా ఉండే షూస్ వేసుకోవడం.. విటమిన్ D, కాల్షియం లోపం కూడా ఈ సమస్యలకు కారణం కావచ్చు. మానసిక ఒత్తిడి కూడా శరీరంపై ప్రభావం చూపుతుంది. చదువు, కెరీర్, సోషల్ మీడియాలో పోలికల వల్ల చాలామంది యువత ఒత్తిడికి గురవుతున్నారు. దీంతో మెడ, భుజాల దగ్గర కండరాలు బిగుసుకుపోయి నొప్పి పెరుగుతుంది. రాత్రిళ్లు ఎక్కువసేపు ఫోన్ వాడటం వల్ల నిద్ర సరిగా లేకపోవడం కూడా సమస్యను మరింత పెంచుతుంది. ఈ సమస్యల నుంచి బయటపడాలంటే కొన్ని చిన్న మార్పులు చాలు. మొబైల్, ల్యాప్టాప్ వాడేటప్పుడు సరైన భంగిమలో కూర్చోవాలి. ప్రతి గంటకోసారి లేచి కాసేపు నడవాలి. రోజూ కనీసం 30 నిమిషాలు వ్యాయామం లేదా యోగా చేయాలి. రాత్రిళ్లు ఫోన్ వాడకం తగ్గించి.. నిద్రకు ప్రాధాన్యం ఇవ్వాలి. టెక్నాలజీ మన జీవితాన్ని సులభం చేసింది. కానీ అదే టెక్నాలజీని అతిగా వాడితే ఆరోగ్యంపై ప్రభావం పడుతుంది. అందుకే చిన్న వయసులో వచ్చే ఈ నొప్పులను తేలికగా తీసుకోకుండా.. ముందుగానే జాగ్రత్త పడటం మంచిదని నిపుణులు సూచిస్తున్నారు. గమనిక:- ఈ సమాచారం సాధారణ అవగాహన కోసం మాత్రమే. ఆరోగ్య సమస్యలు ఎక్కువకాలం ఉంటే తప్పకుండా వైద్యుల సలహా తీసుకోవాలి.

లైఫ్ స్టైల్

రక్తంలో హిమోగ్లోబిన్ శాతాన్ని ఎలా పెంచుకోవాలి?: ఆరోగ్య నిపుణుల కీలక సూచనలు

చిత్రపురి కాలనీలో ఆరు అంతస్తుల అక్రమ నిర్మాణం..!?

81 మందితో మోడీ టీం…!

దక్షిణాదిన నీరుగారిన ‘కాక్రోచ్’…!

ఆ ఇద్దరికీ అగ్నిపరీక్ష…!

Most Read

ఆర్టీసి బ‌స్సు, లారీ ఢీ…! 15 మందికి తీవ్ర గాయాలు..

షేర్ మార్కెట్‌ న‌ష్టాలు… తీవ్ర మ‌న‌స్తాపంతో సాఫ్ట్‌వేర్ ఉద్యోగి ఆత్మ‌హ‌త్య‌…! క‌ల‌క‌లం..

భారీ అగ్ని ప్ర‌మాదం…! భ‌యంతో ప‌రుగులు తీసిన ప్ర‌జ‌లు..

నయా ప్రాజెక్ట్‌లతో ముందంజలో వరుణ్ తేజ్: ‘బరి’ తర్వాత వరుస సినిమాలకు గ్రీన్ సిగ్నల్!

EDITOR PICKS

ఆర్టీసి బ‌స్సు, లారీ ఢీ…! 15 మందికి తీవ్ర గాయాలు..

షేర్ మార్కెట్‌ న‌ష్టాలు… తీవ్ర మ‌న‌స్తాపంతో సాఫ్ట్‌వేర్ ఉద్యోగి ఆత్మ‌హ‌త్య‌…! క‌ల‌క‌లం..

భారీ అగ్ని ప్ర‌మాదం…! భ‌యంతో ప‌రుగులు తీసిన ప్ర‌జ‌లు..

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags