క్రైమ్ మిర్రర్, స్పోర్ట్స్:- ఇంగ్లండ్ స్టార్ బ్యాటర్ జో రూట్ రెడ్ బాల్ క్రికెట్లో సరికొత్త అధ్యాయాన్ని లిఖిస్తున్నాడు. పాకిస్థాన్తో జరుగుతున్న మూడో టెస్టు మ్యాచ్ ద్వారా అతను అత్యంత అరుదైన మైలురాయిని చేరుకున్నాడు. ఇప్పటివరకు 169 టెస్టు మ్యాచ్లు ఆడిన రూట్, ఆస్ట్రేలియా దిగ్గజాలు స్టీవ్ వా, రికీ పాంటింగ్ (168 మ్యాచ్లు)లను వెనక్కి నెట్టి అత్యధిక టెస్టులు ఆడిన ఆటగాళ్ల జాబితాలో మూడో స్థానానికి చేరుకున్నాడు. ప్రస్తుతం ఈ జాబితాలో భారత క్రికెట్ దేవుడు సచిన్ టెండూల్కర్ (200 మ్యాచ్లు) అగ్రస్థానంలో ఉండగా, జేమ్స్ అండర్సన్ (188 మ్యాచ్లు) రెండో స్థానంలో ఉన్నాడు.
బాటసింగారంలో ఆర్టీసీ బస్సు బీభత్సం.. కారు, ఆటో ధ్వంసం..
కేవలం ఆడిన మ్యాచ్ల సంఖ్యలోనే కాకుండా, టెస్టుల్లో అత్యధిక పరుగులు చేసిన బ్యాటర్గా సచిన్ పేరిట ఉన్న ప్రపంచ రికార్డుపై కూడా జో రూట్ గట్టిగా కన్నేశాడు. సచిన్ టెండూల్కర్ తన టెస్ట్ కెరీర్లో 15,921 పరుగులు చేయగా, జో రూట్ ఇప్పటివరకు 14,208 పరుగులు సాధించాడు. సచిన్ ఆల్టైమ్ రికార్డును అందుకునేందుకు రూట్ మరో 1,713 పరుగుల దూరంలో మాత్రమే ఉన్నాడు.ప్రస్తుతం జో రూట్ ఉన్న అద్భుతమైన ఫామ్, ఆయన ఫిట్నెస్ను పరిశీలిస్తే, సచిన్ పేరిట ఉన్న అత్యధిక మ్యాచ్లు మరియు అత్యధిక పరుగుల రికార్డులు రెండూ బద్దలయ్యే అవకాశాలు స్పష్టంగా కనిపిస్తున్నాయి. రాబోయే కాలంలో టెస్టు క్రికెట్ చరిత్రలోనే అత్యంత విజయవంతమైన బ్యాటర్గా రూట్ అవతరిస్తాడో లేదో వేచి చూడాలి.
బాధిత కుటుంబాన్ని బెదిరిస్తే ఊరుకోం : సుప్రీంకోర్టు కీలక వ్యాఖ్యలు