నందమూరి బాలకృష్ణ తనయుడు మోక్షజ్ఞ సినీ ఎంట్రీ కోసం అభిమానులు ఆసక్తిగా ఎదురుచూస్తున్నారు. వశిష్ట దర్శకత్వంలో మోక్షజ్ఞ హీరోగా ఓ సినిమా తెరకెక్కనున్న సంగతి తెలిసిందే. ఈ ప్రాజెక్ట్కు సంబంధించిన హీరోయిన్ విషయంలో ప్రస్తుతం టాలీవుడ్లో ఆసక్తికరమైన చర్చ జరుగుతోంది.
మోక్షజ్ఞకు జోడీగా యువ కథానాయిక శ్రీలీలను తీసుకునే అవకాశాలు ఉన్నట్లు సినీ వర్గాల్లో ప్రచారం జరుగుతోంది. ప్రస్తుతం శ్రీలీల బాలీవుడ్లో ఓ సినిమాలో నటిస్తోంది. ఈ క్రమంలోనే ఆమెతో మైత్రి మూవీ మేకర్స్ సంప్రదింపులు జరిపినట్లు వార్తలు వినిపిస్తున్నాయి.
బాలకృష్ణ సూచన మేరకు మోక్షజ్ఞకు హీరోయిన్గా శ్రీలీలను పరిశీలిస్తున్నట్లు టాక్ నడుస్తోంది. అయితే ఈ విషయంలో ఇంకా అధికారిక ప్రకటన వెలువడలేదు. శ్రీలీలకు లుక్ టెస్ట్ నిర్వహించే అవకాశం కూడా ఉందని సమాచారం. లుక్ టెస్ట్ అనంతరం ఆమెను హీరోయిన్గా ఖరారు చేస్తారా లేదా అనేది స్పష్టత వచ్చే అవకాశం ఉంది.
ఇదిలా ఉంటే.. శ్రీలీల ఇప్పటికే పలువురు యువ హీరోల డెబ్యూ సినిమాల్లో నటించి ప్రత్యేక గుర్తింపు తెచ్చుకుంది. ముగ్గురు హీరోల తొలి చిత్రాల్లో హీరోయిన్గా కనిపించిన రికార్డు ఆమెకు ఉంది. ఇప్పుడు మోక్షజ్ఞ డెబ్యూ మూవీలోనూ శ్రీలీల నటిస్తే ఈ కాంబినేషన్పై అభిమానుల్లో మరింత ఆసక్తి నెలకొనే అవకాశం ఉంది.
ప్రస్తుతం మోక్షజ్ఞ-శ్రీలీల కాంబినేషన్పై వస్తున్నది కేవలం ప్రచారం మాత్రమే. హీరోయిన్ ఎంపికపై చిత్రబృందం అధికారికంగా క్లారిటీ ఇవ్వాల్సి ఉంది. ఈ వార్తల్లో ఎంతవరకు నిజం ఉందో తెలియాలంటే మేకర్స్ ప్రకటన కోసం వేచి చూడాల్సిందే.
also read: చిరంజీవి ‘కాకా’ స్టోరీ ఇదేనా? నెట్టింట వైరల్ అవుతున్న కథనం..!