హైదరాబాద్లో ప్రతిష్ఠాత్మకంగా జరిగే బాలాపూర్ గణేశుడి లడ్డూ వేలం మరోసారి అందరి దృష్టిని ఆకర్షించింది. ఈ ఏడాది జరిగిన వేలంలో లడ్డూకు భారీ ధర పలికింది. సాహెబ్నగర్కు చెందిన సామ ప్రణీత్ రెడ్డి రూ.39 లక్షలకు బాలాపూర్ గణేశుడి లడ్డూను సొంతం చేసుకున్నారు. దీంతో ఈసారి వేలంలో కొత్త రికార్డు నమోదైంది.
బాలాపూర్ గణేశుడి లడ్డూ వేలం ప్రతి ఏడాది ఎంతో ఆసక్తిని రేకెత్తిస్తుంది. ఈసారి కూడా లడ్డూను దక్కించుకునేందుకు మొత్తం 9 మంది భక్తులు వేలంలో పాల్గొన్నారు. వేలం ప్రారంభమైన తర్వాత పోటీదారులు వరుసగా బిడ్లు పెంచడంతో ఉత్కంఠ నెలకొంది. చివరకు రూ.39 లక్షల వద్ద సామ ప్రణీత్ రెడ్డి అత్యధిక బిడ్ వేసి లడ్డూను దక్కించుకున్నారు.
లడ్డూ వేలంలో విజయం సాధించిన ప్రణీత్ రెడ్డిని ఉత్సవ నిర్వాహకులు, అక్కడికి వచ్చిన భక్తులు అభినందించారు. బాలాపూర్ గణేశుడి లడ్డూను దక్కించుకుంటే ఇంట్లో సుఖసంతోషాలు, అష్టైశ్వర్యాలు కలుగుతాయని భక్తుల్లో విశ్వాసం ఉంది. ఈ నమ్మకంతోనే ప్రతి ఏడాది వేలంలో లడ్డూకు భారీ పోటీ కనిపిస్తుంటుంది.
ఈసారి రూ.39 లక్షల ధరకు లడ్డూ అమ్ముడుపోవడంతో బాలాపూర్ గణేశుడి లడ్డూ వేలం మరోసారి ప్రత్యేకంగా నిలిచింది.
also read: షర్మిల తో పూర్తిగా కటీఫ్…! మేనకోడలు నిశ్చితార్థానికి హాజరుకాని జగన్…