పవర్‌స్టార్ పవన్ కల్యాణ్, అన్నా కొణిదెల విడిపోతున్నట్లు ప్రకటించడంతో సినీ, రాజకీయ వర్గాల్లో ఈ వార్త చర్చనీయాంశంగా మారింది. పరస్పర అంగీకారంతో విడిపోవాలని నిర్ణయించుకున్నట్లు వీరిద్దరూ సంయుక్త ప్రకటన విడుదల చేశారు. ఈ ప్రకటన వెలువడిన కొద్దిసేపటికే అన్నా కొణిదెల తన సోషల్ మీడియా ఖాతాను తొలగించడం మరింత ఆసక్తిని రేకెత్తిస్తోంది.
విడిపోతున్నప్పటికీ ఒకరిపై ఒకరికి గౌరవం ఉంటుందని, ఇకపై స్నేహితులుగా కొనసాగుతామని వారు తమ ప్రకటనలో స్పష్టం చేశారు. ముఖ్యంగా పిల్లల భవిష్యత్తు, బాధ్యతల విషయంలో ఇద్దరూ కలిసి నిర్ణయాలు తీసుకుంటామని వెల్లడించారు. తమ వ్యక్తిగత నిర్ణయాన్ని గౌరవించాలని, ఈ సమయంలో కుటుంబ సభ్యులకు ప్రైవసీ ఇవ్వాలని కోరారు.
కాగా, పవన్ కల్యాణ్, అన్నా కొణిదెల 2013 సెప్టెంబర్‌లో వివాహ బంధంతో ఒక్కటయ్యారు. వీరికి ఇద్దరు పిల్లలు ఉన్నారు. అంతకుముందు పవన్ కల్యాణ్ నందినిని వివాహం చేసుకోగా, ఆ తర్వాత నటి రేణు దేశాయ్‌తో వివాహం జరిగింది. వారిద్దరితోనూ ఆయన విడిపోయారు. ఇప్పుడు అన్నా కొణిదెలతోనూ విడిపోవాలని నిర్ణయించుకోవడంతో పవన్ కల్యాణ్ వ్యక్తిగత జీవితం మరోసారి వార్తల్లో నిలిచింది.
also read: పవన్ కల్యాణ్, అన్నా లెజ్‌నోవా పెళ్లి బంధానికి ముగింపు… అధికారికంగా ప్రకటించిన జంట!