నితీష్ తివారీ దర్శకత్వంలో తెరకెక్కుతున్న ప్రతిష్ఠాత్మక చిత్రం ‘రామాయణ’ ప్రస్తుతం సినీ వర్గాల్లో హాట్ టాపిక్‌గా మారింది. ముఖ్యంగా ఈ సినిమాలో సీత పాత్రను పోషిస్తున్న సాయి పల్లవి నటనపై సోషల్ మీడియాలో విస్తృతంగా చర్చ జరుగుతోంది. ఈ నేపథ్యంలో ఆమెకు ప్రముఖ నటుడు ధనుష్ నుంచి మద్దతు లభించింది.
సీత పాత్రకు సాయి పల్లవి ఎంతో చక్కగా సరిపోతుందని ధనుష్ అభిప్రాయపడ్డారు. షూటింగ్ సమయంలో ఆమె చూపించిన భక్తి, పాత్ర పట్ల అంకితభావం తనను ఆకట్టుకున్నాయని ప్రశంసించారు. సీత పాత్రకు ఆమె ఎంపిక సరైన నిర్ణయమని పేర్కొంటూ సాయి పల్లవిపై ప్రశంసలు కురిపించారు.
ఇదిలా ఉంటే.. ధనుష్, సాయి పల్లవి మరోసారి కలిసి నటిస్తున్న చిత్రం ‘ఓం’ ప్రేక్షకుల ముందుకు వచ్చేందుకు సిద్ధమవుతోంది. రాజ్ కుమార్ పెరియసామి దర్శకత్వం వహిస్తున్న ఈ సినిమా నవంబర్ 20న విడుదల కానుంది. ఇటీవల చెన్నైలో నిర్వహించిన ఈ మూవీ ప్రీ రిలీజ్ వేడుకలో ధనుష్ సాయి పల్లవి గురించి ఈ వ్యాఖ్యలు చేశారు.
ఒకవైపు ‘రామాయణ’లో సీతగా సాయి పల్లవి ఎలా కనిపించబోతున్నారనే ఆసక్తి కొనసాగుతుండగా.. మరోవైపు ‘ఓం’ సినిమాతో ఈ జోడీ ప్రేక్షకులను ఏ మేరకు ఆకట్టుకుంటుందో చూడాలి.
also read: పెళ్లైన తొమ్మిది నెలలకే వివాహిత ఆత్మహత్య.. భర్త వేధింపులే కారణమంటూ ఆరోపణలు!