ఆంధ్రప్రదేశ్లో మద్యం రవాణా టెండర్ల కేటాయింపుల్లో అక్రమాలు జరిగాయన్న ఆరోపణలపై ఎన్ఫోర్స్మెంట్ డైరెక్టరేట్ (ఈడీ) దర్యాప్తు కొనసాగిస్తోంది. మద్యం రవాణా కోసం సిగ్మా, ప్రసాద్ ట్రాన్స్పోర్ట్ సంస్థలకు కాంట్రాక్టులు కేటాయించిన వ్యవహారంపై అధికారులు వివరాలు సేకరిస్తున్నారు.
ఈ కేసులో భాగంగా రాయపాటి పురుషోత్తంరావు, మర్రి సుబ్బారెడ్డి, రమేష్లను ఈడీ అధికారులు ప్రశ్నిస్తున్నట్లు సమాచారం. కాంట్రాక్టుల కేటాయింపు, రవాణా వ్యవహారాల్లో జరిగిన లావాదేవీలు, సంబంధిత సంస్థల మధ్య ఉన్న సంబంధాలపై అధికారులు ఆరా తీస్తున్నట్లు తెలుస్తోంది.
ముఖ్యంగా తొలి కాంట్రాక్టు కాలంలో మర్రి సుబ్బారెడ్డి, రాయపాటి పురుషోత్తంరావు కలిసి 59.14 లక్షల మద్యం పెట్టెలను రవాణా చేసిన అంశంపై ఈడీ అధికారులు ప్రశ్నలు సంధిస్తున్నట్లు సమాచారం. ఈ రవాణా ద్వారా జరిగిన ఆర్థిక లావాదేవీలపైనా దర్యాప్తు కొనసాగుతున్నట్లు తెలుస్తోంది.
అలాగే సిగ్మా సంస్థ నుంచి రూ.15.44 కోట్ల మేర లబ్ధి పొందినట్లు ఈడీ గుర్తించినట్లు సమాచారం. ఈ మొత్తానికి సంబంధించిన లావాదేవీలు, కాంట్రాక్టుల వ్యవహారంతో వాటికి ఉన్న సంబంధంపై అధికారులు విచారణ జరుపుతున్నట్లు తెలుస్తోంది. టెండర్ల కేటాయింపు నుంచి రవాణా వరకు జరిగిన మొత్తం వ్యవహారంపై ఈడీ దర్యాప్తు కొనసాగిస్తోంది.
also read: కాకినాడ జిల్లాలో విషాదం.. మట్టిగోడ కూలి 8 ఏళ్ల బాలుడి మృతి