క్రైమ్ మిర్రర్,సినిమా:- యువ దర్శకుడు ఆదిత్య హాసన్ దర్శకత్వంలో తెరకెక్కిన తాజా చిత్రం ‘EPIC’ ప్రీ రిలీజ్ ఈవెంట్ ఇటీవల ఘనంగా జరిగింది. ఈ కార్యక్రమంలో పాల్గొన్న దర్శకుడు ఆదిత్య, హీరోయిన్ వైష్ణవి చైతన్య గురించి చేసిన వ్యాఖ్యలు ప్రస్తుతం చిత్రసీమలో తీవ్ర చర్చనీయాంశంగా మారాయి.ఈ సినిమాలో కొన్ని బోల్డ్ సన్నివేశాలు ఉన్నాయని, వాటిలో నటించే సమయంలో వైష్ణవి కొంత భయపడ్డారని, నర్వస్గా ఫీలయ్యారని దర్శకుడు బహిరంగంగా వెల్లడించారు. సరిగ్గా ఇదే విషయంపై స్పందించిన ఆయన, తెరపై కనిపించే సన్నివేశాల ఆధారంగా వైష్ణవి క్యారెక్టర్పై లేదా ఆమెపై ఎలాంటి నెగెటివిటీ వచ్చినా, సోషల్ మీడియాలో విమర్శలు ఎదురైనా ఆ బాధ్యత పూర్తిగా తాను స్వీకరిస్తానని స్పష్టం చేశారు. ఆమె వెనుక తాను ఎల్లప్పుడూ సపోర్ట్గా నిలుస్తానని కొండంత అభయం ఇచ్చారు.
గతంలో ‘బేబీ’ సినిమాలో పోషించిన పాత్ర కారణంగా వైష్ణవి సోషల్ మీడియాలో విమర్శలు, ట్రోలింగ్ ఎదుర్కొన్న సంగతి తెలిసిందే. ఆ అనుభవాల దృష్ట్యా ‘EPIC’ చిత్రంలోని బోల్డ్ సీన్స్ అనగానే ఆమె కొంత ఆందోళన చెందారు. అయితే, ప్రస్తుతం బోల్డ్ సీన్స్పై ప్రేక్షకుల నుంచి విమర్శలు వ్యక్తమవుతున్న నేపథ్యంలో, దర్శకుడు స్వయంగా ముందుకు వచ్చి హీరోయిన్కు ధైర్యం చెప్పడం విశేషం. వైష్ణవి పాత్రపై ఎలాంటి కామెంట్స్ వచ్చినా అది తన విజన్ లోపమే తప్ప నటి తప్పు కాదని ఆయన ఇచ్చిన భరోసా సోషల్ మీడియాలో ట్రెండ్ అవుతోంది.
ఎక్స్పైరీ మందులు చెత్తబుట్టల్లో వేస్తున్నారా?.. పర్యావరణానికి తీవ్ర ముప్పు అని నిపుణుల హెచ్చరిక!