బిగ్ బాస్ 20వ సీజన్ ప్రారంభమైన కొద్ది రోజులకే హౌస్లో వివాదాలు మొదలయ్యాయి. తాజాగా బాక్సింగ్ దిగ్గజం మేరీ కోమ్, కంటెస్టెంట్ రితి తివారీ మధ్య వంటగది విషయంలో జరిగిన వాగ్వాదం హాట్ టాపిక్గా మారింది. ఈ ఘటనకు సంబంధించిన ప్రోమో ప్రస్తుతం సోషల్ మీడియాలో వైరల్గా మారింది.
ప్రోమోలో కనిపించిన వివరాల ప్రకారం.. వంటగదిలో పాత్రలు కడిగే బాధ్యత ఎవరిదని మేరీ కోమ్ ప్రశ్నించడంతో ఈ వివాదం మొదలైనట్లు తెలుస్తోంది. ఆ సమయంలో రితి తివారీ.. ఆ డ్యూటీ తనదేనని, అయితే ఇంట్లోని అందరి కోసం టీ తయారు చేస్తున్నానని చెప్పింది.
దీనిపై మేరీ కోమ్ ప్రశ్నించడంతో రితి తివారీ అసహనానికి గురైనట్లు ప్రోమోలో కనిపించింది. తన పనుల విషయంలో తాను స్పష్టంగా ఉన్నానని చెబుతూ, తన గురించి తన వెనుక మాట్లాడొద్దని మేరీ కోమ్కు సూచించింది.
ఇక ఈ మాటలతో ఇద్దరి మధ్య వాదన మరింత ముదిరింది. తన గురించి ప్రపంచవ్యాప్తంగా తెలుసని మేరీ కోమ్ వ్యాఖ్యానించగా.. రితి తివారీ కూడా ఏమాత్రం తగ్గకుండా స్పందించింది. మేరీ కోమ్లోని మరో కోణాన్ని కూడా ప్రేక్షకులు త్వరలో చూస్తారని ఆమె వ్యాఖ్యానించడం ఆసక్తిని పెంచింది.
ప్రస్తుతం ఈ ప్రోమోపై సోషల్ మీడియాలో భిన్నమైన స్పందనలు వస్తున్నాయి. హౌస్లోకి అడుగుపెట్టిన కొద్ది రోజులకే కంటెస్టెంట్ల మధ్య విభేదాలు మొదలవడంతో రాబోయే ఎపిసోడ్స్లో పరిస్థితులు ఎలా మారుతాయోనన్న ఆసక్తి ప్రేక్షకుల్లో నెలకొంది.
సెప్టెంబర్ 6న ప్రారంభమైన బిగ్ బాస్ 20వ సీజన్లో మేరీ కోమ్, కనికా మాన్, మహీ విజ్, ఆమ్రపాలి దూబే, రితి తివారీ తదితరులు పాల్గొంటున్నారు. ఈ సీజన్లో మొత్తం 16 మంది సెలబ్రిటీ కంటెస్టెంట్లు ఉన్నారు. ఈ షో కలర్స్ టీవీతో పాటు జియోహోస్టార్లో ప్రసారం అవుతోంది.
also read: బిగ్ బాస్ తమిళ్ 10- రెండో రోజే ఇంటి నుంచి బయటకు వెళ్లేందుకు కంటెస్టెంట్ ప్రయత్నం!