గుజరాత్ రాష్ట్రం గాంధీనగర్లో కలకలం రేపిన ఘటన వెలుగులోకి వచ్చింది. ఓ హోటల్ గదిలో 17 ఏళ్ల బాలిక అనుమానాస్పద పరిస్థితుల్లో మృతిచెందిన కేసు తీవ్ర సంచలనంగా మారింది. కాలేజీకి వెళ్లిన తర్వాత ఇంటికి తిరిగి రాని బాలిక కోసం కుటుంబ సభ్యులు వెతుకులాట ప్రారంభించగా, ఆమె హోటల్లో ఉన్నట్టు సమాచారం అందింది.
పోలీసుల దర్యాప్తులో బాలికను ఆమెకు పరిచయం ఉన్న యువకుడు దిశాంత్ శర్మ హోటల్కు తీసుకెళ్లినట్లు తేలింది. అనంతరం బాలికకు తీవ్ర గాయాలు కావడం, అధిక రక్తస్రావం జరగడం వల్ల ఆసుపత్రికి తరలించగా చికిత్స పొందుతూ ప్రాణాలు కోల్పోయింది.
ఈ ఘటనపై పోలీసులు పలు కోణాల్లో విచారణ కొనసాగిస్తున్నారు. ముఖ్యంగా అత్యాచారం, బెదిరింపులు, ఒప్పందాల ఒత్తిడి వంటి అంశాలను పరిశీలిస్తున్నారు. నిందితుడిని అదుపులోకి తీసుకుని విచారణ జరుపుతున్నారు.
ఈ ఘటన స్థానికంగా ఆందోళన కలిగించగా, బాలికకు న్యాయం చేయాలని కుటుంబ సభ్యులు, స్థానికులు డిమాండ్ చేస్తున్నారు.
also read: ఓటర్ జాబితాపై భారీ కసరత్తు.. 73.5 లక్షల ఎంట్రీలు తొలగింపు…!