ఆంధ్రప్రదేశ్లోని కడప జిల్లా ప్రొద్దుటూరులో నకిలీ బంగారం పేరుతో జరుగుతున్న మోసాలను పోలీసులు ఛేదించారు. తక్కువ ధరకు ఎక్కువ బంగారం ఇస్తామని చెప్పి ప్రజలను మోసం చేస్తున్న ముఠా పై చర్యలు తీసుకున్నారు.
పోలీసుల వివరాల ప్రకారం, తిరుపతికి చెందిన ఒక వ్యక్తి “తక్కువ ధరకే 100 గ్రాముల బంగారం” ఇస్తామని నమ్మబలికి, బాధితుడి నుంచి సుమారు రూ. 6.50 లక్షలు వసూలు చేశాడు. అనంతరం అసలు బంగారం స్థానంలో బంగారు పూత పూసిన నకిలీ కడ్డీలను ఇచ్చి మోసం చేశాడు.
మోసపోయిన బాధితుడు పోలీసులను ఆశ్రయించడంతో దర్యాప్తు ప్రారంభించిన పోలీసులు నిందితుడిని అదుపులోకి తీసుకున్నారు. అతని వద్ద నుంచి నకిలీ బంగారు కడ్డీలు, ల్యాప్టాప్, మొబైల్ ఫోన్ స్వాధీనం చేసుకున్నారు. కేసు నమోదు చేసి నిందితుడిని రిమాండ్కు తరలించారు.
ఈ ఘటనతో ప్రజలు జాగ్రత్తగా ఉండాలని పోలీసులు హెచ్చరిస్తున్నారు. అనుమానాస్పదంగా తక్కువ ధరకు బంగారం అందిస్తామని చెప్పే వ్యక్తుల మాటలను నమ్మకూడదని సూచిస్తున్నారు.
also read: కేరళలో ఘోర బస్సు ప్రమాదం – కుట్టిపురంలో అదుపుతప్పిన బస్సు బోల్తా, ఒకరి మృతి