నేటి ఆధునిక కాలంలో బిజీ జీవనశైలి, గంటల తరబడి ఒకే చోట కూర్చుని పనిచేసే ఉద్యోగాలు మన ఆరోగ్యంపై తీవ్ర ప్రతికూల ప్రభావాన్ని చూపుతున్నాయి. అయితే, రోజూ గంటల తరబడి జిమ్‌లో కష్టపడాల్సిన అవసరం లేకుండా, కేవలం 5 నిమిషాల పాటు వేగంగా నడవడమే మన ఆరోగ్యాన్ని ఎంతగానో మెరుగుపరుస్తుందని ఆరోగ్య నిపుణులు చెబుతున్నారు.
రోజుకు 5 నిమిషాల నడక వల్ల కలిగే ప్రధాన ప్రయోజనాలు
నిపుణుల పరిశోధనల ప్రకారం, ప్రతిరోజు క్రమం తప్పకుండా కనీసం 5 నిమిషాల పాటు వేగంగా నడవడం వల్ల ఓవరాల్‌గా సంభవించే అకాల మరణాల ప్రమాదాన్ని దాదాపు 10% వరకు నివారించవచ్చు.ఆఫీసుల్లో లేదా వర్క్ ఫ్రమ్ హోమ్ చేసేవారు రోజంతా గంటల తరబడి ఒకే చోట కూర్చోవడం వల్ల వెన్నునొప్పి, బద్ధకం, జీవక్రియ మందగించడం వంటి సమస్యలు ఎదుర్కొంటారు. ఈ చిన్న నడక అలవాటు కూర్చోవడం వల్ల కలిగే నష్టాలను గణనీయంగా తగ్గిస్తుంది.
రోజూ నడవడం వల్ల రక్త ప్రసరణ మెరుగుపడి, రక్తపోటు అదుపులో ఉంటుంది. ఇది గుండెపై పడే ఒత్తిడిని తగ్గిస్తుంది. వేగవంతమైన నడక శరీరంలో ఇన్సులిన్ సున్నితత్వాన్ని పెంచుతుంది. దీనివల్ల రక్తంలో సక్కెర స్థాయిలు అదుపులో ఉండి, టైప్-2 మధుమేహం ముప్పు తగ్గుతుంది.క్రమం తప్పకుండా నడవడం వల్ల గుండె కండరాలు బలంగా మారతాయి. ఇది హృదయ సంబంధిత వ్యాధులు మరియు స్ట్రోక్ ప్రమాదాన్ని నివారిస్తుంది.
ఈ అలవాటును రోజువారీ జీవితంలో ఎలా చేర్చుకోవాలి?
టీ/కాఫీ బ్రేక్ సమయంలో లేదా భోజనం పూర్తయిన తర్వాత ఆఫీస్ కారిడార్ లేదా ఆవరణలో 5 నిమిషాలు నడవండి.దగ్గరలోని షాపులకు వెళ్లడానికి వాహనాలు వాడకుండా నడిచి వెళ్లడం అలవాటు చేసుకోండి. కాల్స్ మాట్లాడే సమయంలో ఒకే చోట నిలబడకుండా నడుస్తూ మాట్లాడడం మంచిది.
వ్యాయామం చేయడానికి ప్రత్యేకంగా సమయం కేటాయించలేకపోతున్నామని బాధపడేవారికి ఈ 5 నిమిషాల ‘బ్రిస్క్ వాక్’ ఒక అద్భుతమైన పరిష్కారం. చిన్న మార్పుతో పెద్ద ఆరోగ్య ప్రయోజనాలను పొందడానికి ఈ రోజు నుంచే మీ నడకను ప్రారంభించండి!