క్రైమ్ మిర్రర్, సినిమా:- ఈ వారం కూడా పలు ఆసక్తికరమైన సినిమాలు థియేటర్లలో సందడి చేయనున్నాయి.విశ్వనాథ్ అండ్ సన్స్, అగధ, బట్వారా 1947 చిత్రాలపై ప్రేక్షకుల్లో ఆసక్తి నెలకొంది.సమ్మర్లో వాయిదా పడిన కొన్ని సినిమాలు కూడా ఈ వారం విడుదలకు సిద్ధమయ్యాయి.తెలుగు, తమిళ, కన్నడ, మలయాళ, హిందీతో పాటు హాలీవుడ్ సినిమాలు కూడా ప్రేక్షకుల ముందుకు రానున్నాయి.
విశ్వనాథ్ అండ్ సన్స్
కోలీవుడ్ స్టార్ హీరో సూర్య, మమిత బైజు జంటగా నటించిన విశ్వనాథ్ అండ్ సన్స్ సినిమాకు వెంకీ అట్లూరి దర్శకత్వం వహించారు. సూర్యదేవర నాగవంశీ, సాయి సౌజన్య సంయుక్తంగా నిర్మించిన ఈ చిత్రంలో రాధిక శరత్కుమార్, రవీనా టాండన్ తదితరులు కీలక పాత్రల్లో కనిపించనున్నారు. జీవీ ప్రకాష్ కుమార్ సంగీతం అందించారు. తెలుగు, తమిళ భాషల్లో ఆగస్టు 14న ఈ సినిమా ప్రేక్షకుల ముందుకు రానుంది.
అగధ
కామాక్షి భాస్కర్ల, శ్రావణ్ రెడ్డి ప్రధాన పాత్రల్లో నటించిన అగధ చిత్రానికి ఎంఎస్ రాజు దర్శకత్వం వహించారు. ఉల్కా గుప్తా, జోవిక విజయ్ కుమార్, భానుచందర్, షిజు, వనితా విజయ్ కుమార్ తదితరులు కీలక పాత్రల్లో నటించారు. శ్రీ ఆది వరాహ ప్రొడక్షన్స్ బ్యానర్పై కాశీ విశాలాక్షి బులుసు నిర్మించారు. తెలుగు, తమిళ, హిందీ, కన్నడ, మలయాళ భాషల్లో ఆగస్టు 14న ఈ సినిమా విడుదల కానుంది.
మకుటం
కోలీవుడ్ స్టార్ హీరో విశాల్ నటించిన మకుటం సినిమాకు ఆయనే దర్శకత్వం వహించడం విశేషం. అంజలి, దుషారా విజయన్ కథానాయికలుగా నటించగా, జాన్ విజయ్, జేయా ప్రకాష్, వంశీ కృష్ణ తదితరులు కీలక పాత్రల్లో కనిపించనున్నారు. జీవీ ప్రకాష్ కుమార్ సంగీతం అందించిన ఈ సినిమా తెలుగు, తమిళ భాషల్లో ఆగస్టు 14న థియేటర్లలోకి రానుంది.
బట్వారా 1947
సన్నీ డియోల్, ప్రీతి జింటా జంటగా నటించిన బట్వారా 1947 చిత్రానికి రాజ్కుమార్ సంతోషి దర్శకత్వం వహించారు. 1947లో భారత్-పాకిస్థాన్ విభజన సమయంలో చోటుచేసుకున్న అల్లర్లు, మత ఘర్షణల నేపథ్యంలో ఈ కథ సాగుతుంది. షబానా అజ్మీ, కరణ్ డియోల్, అలీ ఫజల్ తదితరులు కీలక పాత్రల్లో నటించారు. ఏఆర్ రెహమాన్ సంగీతం అందించిన ఈ సినిమా హిందీలో ఆగస్టు 14న విడుదల కానుంది.
పళ్లబురుసు
సుధాకర్ రెడ్డి, మురళీధర్ గౌడ్, ప్రజ్వాల్ యద్మా, గోమతి తదితరులు నటించిన పళ్లబురుసు సినిమాకు ఉదయ్ చౌహాన్ దర్శకత్వం వహించారు. అన్నపూర్ణ స్టూడియోస్, ఎపిక్ స్టూడియోస్ బ్యానర్లపై ఆదిత్య పిట్టీ, వివేక్ కృష్ణానీ నిర్మించారు. పవన్ సీహెచ్ సంగీతం అందించిన ఈ సినిమా ఆగస్టు 14న ప్రేక్షకుల ముందుకు రానుంది.
ఈ వారంలో తెలుగు, తమిళ, హిందీతో పాటు ఇతర భాషల్లోనూ పలు సినిమాలు విడుదలకు సిద్ధమయ్యాయి. వీటిలో విశ్వనాథ్ అండ్ సన్స్, అగధ, మకుటం, బట్వారా 1947 చిత్రాలపై ప్రేక్షకుల్లో ప్రత్యేక ఆసక్తి నెలకొంది.