క్రైమ్ మిర్రర్, సినిమా:- మాస్ మహారాజా రవితేజ కెరీర్లో ఎన్నో విజయవంతమైన చిత్రాలు ఉన్నప్పటికీ, 2006లో విడుదలైన విక్రమార్కుడు ప్రత్యేక స్థానం సంపాదించుకుంది. దర్శకధీరుడు ఎస్.ఎస్. రాజమౌళి తెరకెక్కించిన ఈ యాక్షన్ ఎంటర్టైనర్ బాక్సాఫీస్ వద్ద భారీ విజయాన్ని అందుకోవడమే కాకుండా, రవితేజ స్టార్డమ్ను మరింత పెంచింది. అత్తిలి సత్తిబాబు, విక్రమ్ సింగ్ రాథోడ్ అనే రెండు విభిన్న పాత్రల్లో రవితేజ నటన ప్రేక్షకులను విశేషంగా ఆకట్టుకుంది.అయితే ఈ సినిమా గురించి చాలా మందికి తెలియని ఓ ఆసక్తికర విషయం ఉంది. సినిమాలో కొన్ని యాక్షన్, డూప్ షాట్లలో రవితేజకు బాడీ డబుల్గా ఆయన తమ్ముడు, నటుడు భరత్ రాజ్ నటించారు. రవితేజకు భరత్ రూపంలో పోలికలు ఉండటంతో షూటింగ్ వేగంగా పూర్తయ్యేందుకు ఇది ఎంతో ఉపయోగపడినట్లు సినీ వర్గాలు చెబుతాయి.
బ్రహ్మ ముహూర్తంలో రామాయణ ట్రైలర్ గ్రాండ్ రిలీజ్!
భరత్ రాజ్ తెలుగు చిత్ర పరిశ్రమలో సహాయ నటుడు, విలన్గా మంచి గుర్తింపు తెచ్చుకున్నారు. ఢీ, రెడీ, ఏక్ నిరంజన్, దూకుడు, బాడీగార్డ్, రామయ్యా వస్తావయ్యా, దోచేయ్, మిస్టర్ వంటి పలు చిత్రాల్లో విభిన్న పాత్రలు పోషించి ప్రేక్షకులను ఆకట్టుకున్నారు. నటుడిగా మంచి అవకాశాలు వస్తున్న సమయంలోనే కొన్ని వివాదాల్లో కూడా ఆయన పేరు వినిపించింది.
అయితే భరత్ సినీ ప్రయాణం విషాదకరంగా ముగిసింది. 2017 జూన్ 24న హైదరాబాద్ ఔటర్ రింగ్ రోడ్డుపై శంషాబాద్ సమీపంలో జరిగిన రోడ్డు ప్రమాదంలో ఆయన ప్రాణాలు కోల్పోయారు. ఈ ఘటన సినీ పరిశ్రమను దిగ్భ్రాంతికి గురి చేసింది. విక్రమార్కుడు వంటి బ్లాక్బస్టర్ చిత్రంలో రవితేజకు డూప్గా నటించిన విషయం ఇప్పుడు మరోసారి సోషల్ మీడియాలో వైరల్ అవుతోంది.