prakash raj - Crime Mirror

ప్రముఖ నటుడు ప్రకాశ్రాజ్ రాజకీయ, సామాజిక అంశాలపై బహిరంగంగా తన అభిప్రాయాలను వెల్లడిస్తూ తరచూ వార్తల్లో నిలుస్తుంటారు. అయితే ఆయన ఈ విధంగా తన గళాన్ని వినిపించడం వెనుక ఓ బలమైన కారణం ఉందని ఆయన భార్య, కొరియోగ్రాఫర్ పోనీ వర్మ తాజాగా వెల్లడించారు. ప్రముఖ జర్నలిస్ట్ గౌరీ లంకేశ్ హత్య ఘటన ప్రకాశ్రాజ్ ఆలోచనా విధానంలో కీలకమైన మార్పు తీసుకొచ్చిందని ఆమె తెలిపారు. తాజాగా ఓ యూట్యూబ్ ఛానల్కు ఇచ్చిన ఇంటర్వ్యూలో మాట్లాడిన పోనీ వర్మ.. గౌరీ లంకేశ్ హత్య ప్రకాశ్రాజ్ను తీవ్రంగా ప్రభావితం చేసిందని చెప్పారు. ఆ ఘటన తర్వాత భయంతో మౌనంగా ఉండటం ఎంతకాలం? అనే ఆలోచన ఆయనలో మొదలైందని వివరించారు. అప్పటి నుంచే సమాజంలో జరుగుతున్న పరిణామాలు, ప్రభుత్వ విధానాలు, రాజకీయ అంశాలపై తన అభిప్రాయాలను ధైర్యంగా వ్యక్తం చేయడం ప్రారంభించారని తెలిపారు. అయితే, మొదట్లో ప్రకాశ్రాజ్ రాజకీయ వ్యాఖ్యలు చేయడం తనకు ఆందోళన కలిగించేదని పోనీ వర్మ వెల్లడించారు. ప్రభుత్వ నిర్ణయాలను ప్రశ్నిస్తూ ఆయన చేసే వ్యాఖ్యలు, సోషల్ మీడియాలో పెట్టే పోస్టుల వల్ల ఎలాంటి సమస్యలు ఎదురవుతాయోనని భయపడేదాన్నని చెప్పారు. ముఖ్యంగా ఆయన అభిప్రాయాల కారణంగా వ్యక్తిగతంగా, వృత్తిపరంగా ఇబ్బందులు ఎదుర్కోవాల్సి వస్తుందేమోనని ఆందోళన చెందేదాన్నని పేర్కొన్నారు. ప్రకాశ్రాజ్ సోషల్ మీడియాలో 'జస్ట్ ఆస్కింగ్' పేరుతో పలు రాజకీయ, సామాజిక అంశాలపై ప్రశ్నలు సంధిస్తూ తన అభిప్రాయాలను వెల్లడిస్తుంటారు. ఈ బహిరంగ వైఖరి ఆయన సినీ కెరీర్పైనా ప్రభావం చూపిందని పోనీ వర్మ తెలిపారు. రాజకీయ అభిప్రాయాల కారణంగా సినిమా అవకాశాలు తగ్గిన సందర్భాలు ఉన్నాయని చెప్పారు. కొన్ని ప్రాజెక్టుల కోసం అడ్వాన్స్ తీసుకున్న తర్వాత కూడా ఆయన్ను సినిమా నుంచి తప్పించిన ఘటనలు జరిగాయని వెల్లడించారు. తన అభిప్రాయాలను స్వేచ్ఛగా వ్యక్తం చేయడం వల్ల ప్రకాశ్రాజ్ సినీ రంగంలో కొన్ని అవకాశాలను కోల్పోయినప్పటికీ, తన నమ్మకాల విషయంలో మాత్రం ఎప్పుడూ వెనక్కి తగ్గలేదని పోనీ వర్మ వివరించారు. మనస్సాక్షికి విరుద్ధంగా అనిపించే పనులను అంగీకరించకూడదనే సిద్ధాంతంతో ఆయన ముందుకు సాగుతున్నారని తెలిపారు. వృత్తిపరమైన నష్టాలు ఎదురైనా, వ్యక్తిగతంగా ఇబ్బందులు వచ్చినా తన విలువలు, నమ్మకాలకే ప్రకాశ్రాజ్ మొదటి ప్రాధాన్యత ఇస్తారని పోనీ వర్మ వ్యాఖ్యానించారు. ఆమె చేసిన ఈ వ్యాఖ్యలు ఇప్పుడు సినీ, రాజకీయ వర్గాల్లో ఆసక్తికరంగా మారాయి. also read: నోరా ఫతేహీకి ఢిల్లీ హైకోర్టు సమన్లు.. రూ.200 కోట్ల కేసులో సాక్షిగా హాజరుకావాలని ఆదేశం!

Tag: prakash raj

Most Read

సైబర్ నేరాలపై కేరళ సర్కార్ యుద్ధం.. సైబర్ సెక్యూరిటీ కెప్టెన్‌గా మమ్ముట్టి!

56 ఏళ్ల వయసులో రెండో పెళ్లి.. జర్నలిస్ట్ నిధి రజ్‌దాన్‌తో ఒమర్ అబ్దుల్లా కొత్త జీవితం!

గౌరీ లంకేశ్ హత్య తర్వాతే అతనిలో మార్పు.. ప్రకాశ్‌రాజ్‌ రాజకీయ వ్యాఖ్యలపై పోనీ వర్మ క్లారిటీ!

నోరా ఫతేహీకి ఢిల్లీ హైకోర్టు సమన్లు.. రూ.200 కోట్ల కేసులో సాక్షిగా హాజరుకావాలని ఆదేశం!

EDITOR PICKS

గౌరీ లంకేశ్ హత్య తర్వాతే అతనిలో మార్పు.. ప్రకాశ్‌రాజ్‌ రాజకీయ వ్యాఖ్యలపై పోనీ వర్మ క్లారిటీ!

ప్రజల గొంతును నొక్కలేరు.. దేశమంతా జంతర్ మంతర్ అవుతుంది: ప్రకాశ్ రాజ్

ప్రకాశ్ రాజ్ వర్సెస్ ఎన్నికల అధికారులు.. ముదిరిన ఓటు వివాదం

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags