Gujarat - Crime Mirror

Rare Fennec Fox Spotted in Gujarat: గుజరాత్ సురేంద్రనగర్ జిల్లాలో ఉన్న ఉప్పు చిత్తడి ప్రాంతం లిటిల్ రణ్ ఆఫ్ కచ్ లో అరుదైన నక్క కనిపించడంతో అందరూ ఆశ్చర్యపోయారు. ప్రపంచంలోనే అత్యంత చిన్న నక్క జాతిగా పేరుగాంచిన ఫెన్నెక్ ఫాక్స్ ను అటవీ అధికారులు గుర్తించారు. సాధారణంగా ఈ జాతి భారత్ లో చాలా అరుదుగా కనిపిస్తుంది. ఈ నేపథ్యంలో అటవీ అధికారులు ఆ నక్క ఎలా వచ్చిందనే అంశంపై ఆరా తీస్తున్నారు. అటవీశాఖ ట్రాప్ కెమెరాల్లో చిక్కిన చిన్న నక్క అటవీశాఖ ఏర్పాటు చేసిన ట్రాప్ కెమెరాల్లో ఈ చిన్న నక్క చిత్రాలు రికార్డయ్యాయి. ఈ జంతువు బరువు సుమారు 1 నుంచి 1.5 కిలోల మధ్య ఉండగా, పొడవు సుమారు ఒక అడుగు వరకు ఉంటుంది. దీని ప్రత్యేకత ఏమిటంటే, దాని చెవులు దాదాపు ఆరు అంగుళాల వరకు పొడవుగా ఉంటాయి. దేహంపై లేత పసుపు, గోధుమ రంగు రోమాలు ఉంటాయని అధికారులు తెలిపారు. ఎడారి ప్రాంతాల్లో జీవనం ఈ ఫెన్నెక్ ఫాక్స్ సాధారణంగా ఎడారి ప్రాంతాల్లో జీవిస్తుంది. ఎలుకలు, పక్షుల గుడ్లు, చిన్న బల్లులు, కీటకాలు వంటి వాటిని ఆహారంగా తీసుకుంటుంది. ఇది ఎక్కువగా ఒంటరిగా జీవించే స్వభావం కలిగి ఉంటుంది. రాత్రి సమయంలో చురుకుగా తిరుగుతూ ఆహారం కోసం వెతుకుతుంది. పగటిపూట ఎండ తీవ్రతను తప్పించుకోవడానికి నేలలో తవ్విన బొరియల్లో విశ్రాంతి తీసుకుంటుంది. ఈ జాతి ప్రధానంగా ఉత్తర ఆఫ్రికాలోని సహారా ఎడారిలో కనిపిస్తుంది. మన దేశంలో వీటి ఉనికి అత్యంత అరుదు. అందుకే ప్రభుత్వం ఈ జాతిని అంతరించిపోతున్న జంతువుల జాబితాలో చేర్చింది. ఇప్పుడు ఈ నక్క గుజరాత్ లో కనిపించంతో పరిశోధకులు దానిపై పరిశోధనలు జరిపేందుకు రెడీ అవుతున్నారు.

Tag: Gujarat

Most Read

రెండు లారీలు ఢీ…డ్రైవ‌ర్ స‌జీవ ద‌హ‌నం…!

త‌గ్గిన బంగారు ధ‌ర‌లు…! ఈ రోజు ఎంతంటే….

బీజేపీ మాస్టర్ ప్లాన్.. ఆ రాష్ట్రాల్లో విజయమే లక్ష్యంగా ప్రత్యేక కార్యక్రమాలు.!

భయపెడుతున్న ఎబోలా.. హెల్త్ ఎమర్జెన్సీ గా ప్రకటించిన డబ్ల్యూహెచ్ఓ

EDITOR PICKS

Rare Fox: కచ్ లో అరుదైన నక్క, ట్రాప్ కెమెరాకు చిక్కిన ఫెన్నెక్‌ ఫాక్స్!

Tamil Nadu SIR: తమిళనాడు సర్.. ఏకంగా 97,00,000 ఓట్ల తొలగింపు!

7 నిమిషాల్లో రెండుసార్లు.. గుజరాత్ లో భూకంపం!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel