క్రైమ్ మిర్రర్, తెలంగాణ:- రాష్ట్రంలో బియ్యం ధరలను సామాన్య ప్రజలకు అందుబాటులో ఉంచడమే లక్ష్యంగా ప్రభుత్వం కీలక అడుగులు వేస్తోంది. మార్కెట్లో బియ్యం ధరల అదుపు మరియు సరఫరా క్రమబద్ధీకరణపై పౌర సరఫరాల శాఖ డైరెక్టర్ శ్యామ్ ప్రసాద్ స్పష్టమైన ఆదేశాలు జారీ చేశారు. రైస్ మిల్లర్లు, హోల్‌సేల్ వ్యాపారులతో మాట్లాడిన ఆయన, మార్కెట్లో ధరలు పెంచడంపై తీవ్ర ఆగ్రహం వ్యక్తం చేశారు.
‘పెద్ది’ వివాదంపై స్పందించిన జాన్వీ కపూర్: ‘కాఫీ విత్ కరణ్’ షోలో ఆవేదన, భావోద్వేగ వ్యాఖ్యలు!
హెచ్చరికలు మరియు ముఖ్యాంశాలు:-
ప్రస్తుతం మార్కెట్లో అందుబాటులో ఉన్న బియ్యం నిల్వలన్నీ గత సీజన్‌కు చెందినవేనని ఆయన గుర్తుచేశారు. అందువల్ల నూతన కారణాలను చూపి బియ్యం ధరలను భారీగా పెంచడానికి వీల్లేదని తేల్చి చెప్పారు. మార్కెట్లో లాభార్జనే ధ్యేయంగా బియ్యం కృత్రిమ కొరతను సృష్టించినా లేదా అక్రమంగా నిల్వలు దాచిపెట్టినా సహించేది లేదన్నారు.
ప్రభుత్వ నిబంధనలను ఉల్లంఘించే వ్యాపారులు మరియు మిల్లర్లపై చట్టపరంగా అత్యంత కఠినమైన చర్యలు తప్పవని శ్యామ్ ప్రసాద్ హెచ్చరించారు. సామాన్య, మధ్యతరగతి ప్రజలకు బియ్యం సరసమైన ధరలకే అందేలా చూడటంలో వ్యాపార వర్గాలు, మిల్లర్లు ప్రభుత్వానికి పూర్తిస్థాయిలో సహకరించాలని పిలుపునిచ్చారు.రాష్ట్రంలో బియ్యం కొరత లేకుండా చూసేందుకు పౌర సరఫరాల శాఖ నిరంతరం నిఘా ఉంచుతుందని పేర్కొన్నారు.