క్రైమ్ మిర్రర్, సినిమా:- బాలీవుడ్ నటి జాన్వీ కపూర్ ఇటీవల నటించిన ‘పెద్ది’ చిత్రంలో ఆమె పాత్రపై తీవ్ర వివాదం వ్యక్తమైన సంగతి తెలిసిందే. ఈ అంశంపై టాక్ షో ‘కాఫీ విత్ కరణ్’ లో పాల్గొన్న ఆమె తీవ్రంగా స్పందిస్తూ ఆవేదన వ్యక్తం చేశారు.
జాన్వీ కపూర్ వ్యాఖ్యలలోని ముఖ్యాంశాలు:-
“ఒక సినిమా నిర్మాణం వెనుక చాలామంది కష్టం ఉంటుంది. అయితే ఈ చిత్రం చుట్టూ జరిగిన నెగెటివ్ ప్రచారం నన్ను తీవ్రంగా బాధించింది. ఈ చేదు అనుభవం నా జీవితాంతం నన్ను వెంటాడుతూనే ఉంటుంది” అని పేర్కొన్నారు. కొన్ని సీన్లు అసభ్యంగా, లైంగిక దాడిని ప్రోత్సహించేలా ఉన్నాయన్న విమర్శలపై స్పందిస్తూ—అలాంటి సన్నివేశాల పట్ల తాను మరింత అప్రమత్తంగా ఉండి ఉండాల్సిందని అభిప్రాయపడ్డారు. కథా చర్చలు లేదా చిత్రీకరణ సమయంలో కొన్ని విషయాలకు స్పష్టంగా ‘నో’ చెప్పి ఉండాల్సిందని, అయితే ఆ పొరపాటు జరిగిపోయిందని అంగీకరించారు. జరిగిన తప్పుల నుంచి పాఠాలు నేర్చుకున్నానని, ఇకపై భవిష్యత్తులో ఇలాంటి పొరపాట్లు మళ్లీ జరగకుండా జాగ్రత్త పడటం మాత్రమే ప్రస్తుతం తన చేతుల్లో ఉందని వివరించారు.సినిమా వివాదాలపై నటీనటులు బహిరంగంగా మాట్లాడటం అరుదుగా జరిగే విషయమైనందున జాన్వీ వ్యాఖ్యలు ప్రస్తుతం వైరల్‌గా మారాయి.