క్రైమ్ మిర్రర్ : హైదరాబాద్లోని ఉస్మానియా యూనివర్సిటీ పోలీస్ స్టేషన్ పరిధిలో బుధవారం విషాదకర రోడ్డు ప్రమాదం చోటుచేసుకుంది. ఐఫ్లూ సమీపంలో స్కూటీపై వెళ్తున్న వ్యక్తిని టిప్పర్ ఢీకొనడంతో తీవ్రంగా గాయపడిన ఆయన అక్కడికక్కడే మృతిచెందారు. స్థానికుల సమాచారం ప్రకారం.. స్కూటీపై వెళ్తున్న వ్యక్తిని టిప్పర్ ఢీకొట్టడంతో ప్రమాదం సంభవించింది. ఢీకొన్న సమయంలో స్కూటీపై ఉన్న వ్యక్తికి తీవ్ర గాయాలు కావడంతో అక్కడికక్కడే ప్రాణాలు కోల్పోయినట్లు తెలుస్తోంది. ప్రమాదం జరిగిన వెంటనే టిప్పర్ డ్రైవర్ వాహనాన్ని ఘటనాస్థలంలోనే వదిలి అక్కడి నుంచి పరారైనట్లు పోలీసులు తెలిపారు.
ప్రమాదంపై సమాచారం అందుకున్న ఉస్మానియా యూనివర్సిటీ పోలీసులు వెంటనే ఘటనాస్థలికి చేరుకున్నారు. మృతదేహాన్ని పరిశీలించి ప్రమాదానికి సంబంధించిన వివరాలను స్థానికులు, ప్రత్యక్ష సాక్షులను అడిగి తెలుసుకున్నారు. అనంతరం కేసు నమోదు చేసి దర్యాప్తు ప్రారంభించారు.
ప్రమాదానికి కారణాలు, మృతుడి పూర్తి వివరాలను పోలీసులు సేకరిస్తున్నారు. పరారీలో ఉన్న టిప్పర్ డ్రైవర్ కోసం గాలింపు చర్యలు చేపట్టారు. డ్రైవర్ ప్రమాదం అనంతరం వాహనాన్ని వదిలి వెళ్లిన విషయాన్ని టిప్పర్ యజమానికి పోలీసులు సమాచారం అందించినట్లు తెలిసింది. ఘటనకు సంబంధించిన పూర్తి వివరాలు పోలీసుల దర్యాప్తు అనంతరం వెల్లడయ్యే అవకాశం ఉంది.
also read : సంగారెడ్డి జిల్లాలో వృద్ధ దంపతుల ఆత్మహత్య