ఎనర్జిటిక్ స్టార్ రామ్ పోతినేని ప్రస్తుతం ఓ డిఫరెంట్ కాన్సెప్ట్తో ప్రేక్షకుల ముందుకు వచ్చేందుకు సిద్ధమవుతున్నారు. రామ్ హీరోగా నటించడంతో పాటు దర్శకత్వ బాధ్యతలు కూడా చేపడుతున్న ప్రతిష్టాత్మక ప్రాజెక్ట్ ‘#RAPO23’. ఈ సినిమాకు సంబంధించి తాజాగా చిత్రబృందం కీలక అప్డేట్ ఇచ్చింది. ఇందులో కథానాయికగా ప్రముఖ నటి సంయుక్త నటించనున్నట్లు అధికారికంగా ప్రకటించింది.
సంయుక్త పుట్టినరోజు సందర్భంగా ఈ విషయాన్ని మేకర్స్ వెల్లడించారు. ఆమెకు ప్రత్యేకంగా బర్త్డే విషెస్ తెలియజేస్తూ, సినిమాకు సాదరంగా ఆహ్వానిస్తున్నట్లు పేర్కొన్నారు. ఇందుకు సంబంధించిన స్పెషల్ పోస్టర్ను కూడా విడుదల చేశారు. రామ్ పోతినేని, సంయుక్త కలిసి నటించనున్న తొలి సినిమా ఇదే కావడంతో ఈ కొత్త జంటపై ప్రేక్షకుల్లో ఆసక్తి నెలకొంది.
‘#RAPO23’ను సైకలాజికల్ యాక్షన్ థ్రిల్లర్గా తెరకెక్కిస్తున్నారు. నియో-నోయర్ నేపథ్యంతో రూపొందుతున్న ఈ చిత్రంలో రామ్ ఇప్పటివరకు కనిపించని సరికొత్త లుక్లో కనిపించనున్నారని చిత్రబృందం చెబుతోంది. నటుడిగా మాత్రమే కాకుండా దర్శకుడిగా కూడా రామ్కు ఈ సినిమా ప్రత్యేకంగా నిలిచేలా తెరకెక్కిస్తున్నట్లు తెలుస్తోంది.
ఈ చిత్రానికి సామ్ సి.ఎస్ సంగీతం అందిస్తున్నారు. రామ్ సోదరుడు కృష్ణ పోతినేని భారీ బడ్జెట్తో నిర్మిస్తున్నారు. ప్రస్తుతం సినిమా షూటింగ్ వేగంగా కొనసాగుతోంది. రామ్, సంయుక్త కాంబినేషన్తో పాటు విభిన్నమైన కథాంశం, నియో-నోయర్ ట్రీట్మెంట్ కారణంగా ‘#RAPO23’పై ప్రేక్షకుల్లో అంచనాలు పెరుగుతున్నాయి.
also read: అమీషా పటేల్ తల్లి ఇంట్లో భారీ చోరీ.. రూ.5 లక్షల నగలు మాయం, పనిమనిషి అరెస్ట్