ప్రజల ఆరోగ్యాన్ని దృష్టిలో ఉంచుకుని తెలంగాణ ప్రభుత్వం కీలక చర్యలు చేపట్టింది. రాష్ట్రవ్యాప్తంగా డైరీయేతర పదార్థాలతో తయారు చేసే కృత్రిమ పన్నీర్పై నిషేధం విధించింది. ఈ నిషేధం ఏడాది పాటు అమల్లో ఉండనుంది. నాణ్యత లేని, కల్తీ పన్నీర్ వినియోగం వల్ల ప్రజల ఆరోగ్యంపై ప్రతికూల ప్రభావం పడే అవకాశం ఉండటంతో ప్రభుత్వం ఈ నిర్ణయం తీసుకున్నట్లు అధికారులు తెలిపారు.
పన్నీర్ పేరుతో విక్రయించే కృత్రిమ, డైరీయేతర ఉత్పత్తుల తయారీతో పాటు వాటి ప్రాసెసింగ్, ప్యాకింగ్, నిల్వ, రవాణా, పంపిణీ, విక్రయాలపైనా నిషేధం వర్తించనుంది. ఈ మేరకు రాష్ట్ర ఆహార భద్రతా విభాగం ‘టీజీ సేఫ్’ ఉత్తర్వులు జారీ చేసింది.
2026 సెప్టెంబర్ 10 నుంచి ఈ ఆదేశాలు రాష్ట్రవ్యాప్తంగా తక్షణమే అమల్లోకి వచ్చినట్లు అధికారులు వెల్లడించారు. ఫుడ్ సేఫ్టీ అండ్ స్టాండర్డ్స్ యాక్ట్, 2006లోని సెక్షన్ 30(2)(a) ప్రకారం ప్రజారోగ్య పరిరక్షణను దృష్టిలో ఉంచుకుని ఈ నిర్ణయం తీసుకున్నట్లు పేర్కొన్నారు.
ప్రభుత్వ తాజా ఆదేశాలతో పన్నీర్ పేరుతో కృత్రిమ ఉత్పత్తులను తయారు చేసి విక్రయించే కార్యకలాపాలకు అడ్డుకట్ట పడనుంది. ప్రజలకు నాణ్యమైన ఆహార పదార్థాలు అందేలా ఆహార భద్రతా విభాగం పర్యవేక్షణ మరింత కీలకం కానుంది.
also read: విదేశీ విద్యార్థులకు తెలంగాణ సర్కార్ గుడ్న్యూస్.. రూ.179.9 కోట్ల స్కాలర్షిప్ నిధులు విడుదల