క్రైమ్ మిర్రర్, సినిమా:- చిరంజీవి పుట్టినరోజు సందర్భంగా అభిమానులు, సినీ, రాజకీయ ప్రముఖుల నుంచి శుభాకాంక్షలు వెల్లువెత్తుతున్నాయి. ఈ క్రమంలో, జనసేన అధినేత, ఆంధ్రప్రదేశ్ ఉపముఖ్యమంత్రి పవన్ కళ్యాణ్ తన అన్నయ్య చిరంజీవికి జన్మదిన శుభాకాంక్షలు తెలుపుతూ సోషల్ మీడియాలో చేసిన ఒక భావోద్వేగభరితమైన పోస్ట్ ప్రస్తుతం వైరల్గా మారింది. ఈ పోస్ట్లో పవన్ కళ్యాణ్, చిరంజీవితో తనకున్న అనుబంధాన్ని, ఆయన గొప్పదనాన్ని గుర్తుచేసుకుంటూ ఎమోషనల్ అయ్యారు.”అన్నయ్య చిరంజీవి గురించి తలచుకుంటేనే మనసు ఆనందంతో నిండిపోతుంది” అని పవన్ తన పోస్ట్లో పేర్కొన్నారు. చిరంజీవి సినీ రంగంలో అడుగుపెట్టి హీరో అవ్వకముందు నుంచే ఆయన తనకు అసలైన హీరో అని పవన్ స్పష్టం చేశారు. చిన్నతనంలో అన్నయ్యతో కలిసి నడుస్తుంటే అదొక గొప్ప గర్వకారణంగా ఉండేదని, ఆ రోజులు తనకు ఎంతో మధురమైనవని గుర్తుచేసుకున్నారు.తమ మధ్య అనుబంధం గురించి చెబుతూ పవన్ ఒక ఆసక్తికరమైన విషయాన్ని పంచుకున్నారు.
తమిళనాడు రాజకీయాల్లో ఆసక్తికర పరిణామం: సవాల్కు కట్టుబడి మీసం తీసేసిన ఏఐఏడీఎంకే జిల్లా కార్యదర్శి!
“అన్నయ్యకు పెళ్లయ్యాక ఇక ఆయన మాకు దూరం అవుతారేమో అని నేను భయపడ్డాను. కానీ, నా భయం పటాపంచలు చేస్తూ, అన్నయ్య-వదిన (సురేఖ) నన్ను తమతో పాటు చెన్నై తీసుకెళ్లారు. అక్కడ వారు నాపై చూపించిన అంతులేని ప్రేమను, వాత్సల్యాన్ని మాటల్లో చెప్పలేను” అని పవన్ ఉద్వేగంగా రాసుకొచ్చారు.చిరంజీవి అంకితభావాన్ని కొనియాడుతూ.. “ఆయన జీవితంలో ఎన్నో శిఖరాలు అధిరోహించారు, ఎంతో సాధించారు. అయినా సరే, ఏమాత్రం విశ్రాంతి తీసుకోకుండా ఇప్పటికీ అదే ఉత్సాహంతో నిరంతరం పనిచేస్తూనే ఉన్నారు. ఆయన ఎప్పటికీ నాకు ఆదర్శం” అని పవన్ ప్రశంసించారు. చివరగా, “నా జీవితంలో నా ఏకైక హీరో, మెగాస్టార్కు హృదయపూర్వక జన్మదిన శుభాకాంక్షలు” అని ముగించారు.ఈ పోస్ట్తో పాటు పవన్ కళ్యాణ్, చిరంజీవితో కలిసి దిగిన ఒక అందమైన ఫోటోను కూడా పంచుకున్నారు. మెగా బ్రదర్స్ మధ్య ఉన్న ఈ ఆప్యాయతను చూసి అభిమానులు మురిసిపోతున్నారు. సోషల్ మీడియాలో ఈ పోస్ట్ను విపరీతంగా షేర్ చేస్తూ, చిరంజీవికి శుభాకాంక్షలు తెలియజేస్తున్నారు.