క్రైమ్ మిర్రర్, జాతీయ న్యూస్:- తెలుగు బుల్లితెరపై అత్యంత ప్రజాదరణ పొందిన రియాలిటీ షో బిగ్ బాస్ తెలుగు మరో కొత్త సీజన్తో ప్రేక్షకుల ముందుకు రాబోతోంది. ఇప్పటికే తొమ్మిది సీజన్లను విజయవంతంగా పూర్తి చేసుకున్న ఈ షో, ఇప్పుడు సీజన్-10 కోసం సన్నాహాలు ప్రారంభించింది. ఈ నేపథ్యంలో హోస్ట్ అక్కినేని నాగార్జున కీలక ప్రకటన చేసి అభిమానుల్లో ఉత్సాహాన్ని పెంచారు.గత కొన్ని సీజన్లుగా సెలబ్రిటీలతో పాటు సామాన్యులకు కూడా బిగ్ బాస్ హౌస్లోకి వెళ్లే అవకాశం కల్పిస్తున్న విషయం తెలిసిందే. ముఖ్యంగా గత సీజన్లో నిర్వహించిన అగ్నిపరీక్ష కాన్సెప్ట్కు ప్రేక్షకుల నుంచి మంచి స్పందన లభించింది. దీంతో ఈసారి అగ్నిపరీక్ష సీజన్-2 ను నిర్వహిస్తున్నట్లు నిర్వాహకులు అధికారికంగా ప్రకటించారు.
కలబందతో మెరిసే చర్మమా.. లేక కొత్త సమస్యలా?
ఈ ప్రత్యేక కార్యక్రమం ద్వారా సాధారణ ప్రజలు తమ ప్రతిభను ప్రదర్శించి బిగ్ బాస్ సీజన్-10లో చోటు దక్కించుకునే అవకాశం పొందనున్నారు. ఇందుకోసం అభ్యర్థులు తమ టాలెంట్, వ్యక్తిత్వాన్ని చూపించే వీడియోలను పంపించాల్సి ఉంటుంది. ఎంపికైన వారికి తదుపరి దశల్లో అవకాశం కల్పించనున్నారు.
అగ్నిపరీక్ష సీజన్-2కు సంబంధించిన ఆడిషన్ ప్రక్రియ జూన్ 12 నుంచి ప్రారంభమైంది. ఆసక్తి ఉన్న వారు జూన్ 20లోపు తమ దరఖాస్తులను పూర్తి చేయాల్సి ఉంటుంది. దీనికి సంబంధించిన పూర్తి వివరాలను బిగ్ బాస్ తెలుగు అధికారిక ప్లాట్ఫారమ్లలో అందుబాటులో ఉంచారు.ఇక బిగ్ బాస్ తెలుగు సీజన్-10 ఎప్పుడు ప్రారంభమవుతుందనే విషయంపై ఇంకా అధికారిక ప్రకటన రాలేదు. అయితే ఆడిషన్ ప్రక్రియ ప్రారంభం కావడంతో త్వరలోనే షో ప్రారంభ తేదీని ప్రకటించే అవకాశం ఉందని తెలుస్తోంది. ఈసారి కూడా నాగార్జునే హోస్ట్గా కొనసాగనున్నట్లు తాజా ప్రోమో ద్వారా స్పష్టమైంది.సాధారణ ప్రేక్షకుల నుంచి సెలబ్రిటీల వరకు అందరికీ సమాన అవకాశాలు కల్పిస్తూ బిగ్ బాస్ తన ప్రత్యేకతను చాటుకుంటోంది. దీంతో ఈసారి అగ్నిపరీక్ష ద్వారా ఎవరు హౌస్లోకి అడుగుపెడతారనే ఆసక్తి ప్రేక్షకుల్లో నెలకొంది. మరి ఈ అవకాశాన్ని ఎవరు సద్వినియోగం చేసుకుని బిగ్ బాస్ సీజన్-10లో స్థానం సంపాదిస్తారో చూడాలి.
Hair Tips: ఖరీదైన షాంపూలు అవసరం లేదు.. ఈ ఆకులతో బలమైన జుట్టు ఖాయం!
