వైరల్

రక్షణ కవచం కావాల్సిన ఖాకీ అండతోనే బాధితులపై అక్రమ కేసులు మర్రిగూడ ఎస్సై అరాచక పర్వంపై నిప్పులు చెరిగిన ఎమ్మెల్యే కోమటిరెడ్డి తక్షణమే వేటు వేయాలని జిల్లా ఎస్పీకి ఫోన్ కాల్. మర్రిగూడ(క్రైమ్ మిర్రర్): మర్రిగూడ మండలంలో శాంతిభద్రతల పరిరక్షణ ధ్యేయంగా పనిచేయాల్సిన పోలీస్ వ్యవస్థ, ఒక అధికారి వ్యక్తిగత స్వార్థం, మొండివైఖరి కారణంగా అప్రతిష్ట పాలవుతోంది. బాధితులకు అండగా నిలవాల్సిన ఎస్సై, విచక్షణారహితంగా వ్యవహరిస్తూ, న్యాయం కోరిన వారిపైనే అక్రమ కేసులు బనాయించడం మండలంలో కలకలం రేపుతోంది. వెంకెపల్లి తండాకు చెందిన ఒక వ్యక్తి ఆత్మహత్య చేసుకుంటూ, సెల్ఫీ వీడియోలో ఆయన కుమారుడిని ముందు పెట్టుకొని తన గోడును వెళ్లబోసుకున్నాడు.. ఆ కుటుంబానికి న్యాయం చేయడంలో విఫలమైన సదరు అధికారి, బాధితుల పక్షాన నిలిచిన 15 మంది అమాయకులపై కేసులు నమోదు చేయడం, ఆయన వికృత ధోరణికి పరాకాష్టగా నిలుస్తోంది. బాధితులు తమ ఆవేదనను మునుగోడు ఎమ్మెల్యే కోమటిరెడ్డి రాజగోపాల్ రెడ్డి దృష్టికి తీసుకెళ్లగా, ఆ సెల్ఫీ వీడియోను పరిశీలించిన ఎమ్మెల్యే తీవ్ర దిగ్భ్రాంతికి లోనయ్యారు. ప్రజాస్వామ్య వ్యవస్థలో రక్షక భటులే భక్షకులుగా మారితే సహించేది లేదని, విధి నిర్వహణలో విఫలమై, బాధితులను వేధింపులకు గురిచేస్తున్న, ఈ అధికారిని వెంటనే విధుల నుంచి తొలగించి మర్రిగూడ నుండి పంపించివేయాలని జిల్లా ఎస్పీని ఆయన కోరారని సమాచారం.. సదరు ఎస్సైపై గతంలో విఆర్ లో ఉన్నప్పటి నుండే అనేక విమర్శలు ఉన్నాయని, మర్రిగూడలో బాధ్యతలు చేపట్టిన నాటి నుండి ఆయన తీరు, మరింత వివాదాస్పదంగా మారిందని మండల ప్రజలు గగ్గోలు పెడుతున్నారు. కేవలం కేసుల మాఫీ కోసమే కాకుండా, పేకాట శిబిరాల వద్ద పట్టుబడిన నిందితుల నుండి, మధ్యవర్తుల ద్వారా లక్షలాది రూపాయలు వసూలు చేస్తున్నారనే ఆరోపణలు వెల్లువెత్తుతున్నాయి. లెంకలపల్లి పేకాట కేసులో ఒక మాజీ ప్రజా ప్రతినిధి ఖాతా ద్వారా నగదు బదిలీ చేయించుకుని, పెట్రోల్ బంక్ వద్ద నగదు మార్పిడి చేసుకున్నారనే, ప్రచారం పోలీసు శాఖ ప్రతిష్టను దిగజారుస్తోందనే చెప్పుకోవాలి. విందులు, వినోదాల కోసం రిసార్టులు, గెస్ట్ హౌస్లలో కాలక్షేపం చేస్తూ, స్థానిక మర్రిగూడలో హోటల్ బిల్లులను సైతం ఫిర్యాదుదారుల చేత, కట్టించే స్థాయికి ఈ అధికారి దిగజారారనే విమర్శలు వినిపిస్తున్నాయి. భక్తితో హనుమాన్ జయంతి వేడుకలు జరుపుకున్న యువకులపై, డీజేల నెపంతో తప్పుడు కేసులు పెట్టడం, ఆత్మహత్య చేసుకున్న కాంగ్రెస్ వార్డు మెంబర్ కుటుంబానికి సంఘీభావం తెలిపిన వారిని, నేరస్థులుగా చిత్రీకరించడం చూస్తుంటే, చట్టంపై కనీస గౌరవం లేని అధికారి చేతిలో, మండలం బందీ అయిందని స్పష్టమవుతోంది. ఈ అరాచక శైలిపై ఉన్నతాధికారులు తక్షణమే స్పందించి, విచారణ చేపట్టి కఠిన చర్యలు తీసుకోకపోతే, బాధితులే రోడ్లపైకి వచ్చి పోరాటం చేసే ప్రమాదం ఉందని, తద్వారా శాంతిభద్రతల సమస్య తలెత్తే అవకాశం ఉందని విశ్లేషకులు హెచ్చరిస్తున్నారు. ప్రజల్లో పోలీసు వ్యవస్థపై నమ్మకం కలగాలంటే, బాధితులపై పెట్టిన అక్రమ కేసులను ఎత్తివేసి, విధుల్లో నిర్లక్ష్యం వహిస్తూ అవినీతి ఆరోపణలు ఎదుర్కొంటున్న సదరు ఎస్సైపై, శాఖాపరమైన చర్యలు తీసుకోవడం అత్యవసరంగా కనిపిస్తోంది.. నిఘా వర్గాలు ద్రుష్టి సారించి ఉన్నత అధికారులకు నివేదిక ఇవ్వాలని స్థానికులు కోరుతున్నారు. నాంపల్లి మండలంలోని అధికార పార్టీ నేత, అండదండలే ఈ అరాచకాలను ప్రధాన కారణమా అంటూ ఆ నేతపై ప్రజలు దుమ్మెత్తి పోస్తున్నారు..

అమెరికాలో ములకనూరు బియ్యం…!

కరెంట్ బిల్లు తగ్గాలా…? అయితే ఇలా చేయండి…!

ఫ్రిజ్‌లో ఆహారం పెట్టేస్తే సరిపోదు… ఈ ముఖ్యమైన జాగ్రత్తలు తప్పనిసరి…!

హుస్సేన్ సాగర్ టు ప్రకాశం బ్యారేజీ…!

జెన్ జీ ఎక్కడ…?!

Most Read

సోషల్ మీడియా ఇన్‌ఫ్లుయెన్సర్ నాగమణి అదృశ్యం.. ఆచూకీ చెప్పిన వారికి రూ.లక్ష బహుమతి ప్రకటించిన భర్త

40 మంది ప్రయాణికుల ప్రాణాలు కాపాడి.. స్టీరింగ్‌పైనే తుదిశ్వాస విడిచిన ఆర్టీసీ డ్రైవర్!

పెళ్లయిన 12 గంటలకే వరుడు మృతి.. మామిడి తోటలో చెట్టుకు వేలాడుతూ మృతదేహం!

ప్రేమకు పెద్దలు ఒప్పుకోలేదని రైలు కింద పడి యువ జంట మృతి!

EDITOR PICKS

సోషల్ మీడియా ఇన్‌ఫ్లుయెన్సర్ నాగమణి అదృశ్యం.. ఆచూకీ చెప్పిన వారికి రూ.లక్ష బహుమతి ప్రకటించిన భర్త

40 మంది ప్రయాణికుల ప్రాణాలు కాపాడి.. స్టీరింగ్‌పైనే తుదిశ్వాస విడిచిన ఆర్టీసీ డ్రైవర్!

పెళ్లయిన 12 గంటలకే వరుడు మృతి.. మామిడి తోటలో చెట్టుకు వేలాడుతూ మృతదేహం!

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags