రాజకీయం

బలమైన అభ్యర్థుల కోసం అన్వేషణ అల్లూరి సీతారామరాజు, పార్వతీపురం మన్యం జిల్లా పరిషత్తులను కైవసం చేసుకునేందుకు వ్యూహం క్రైమ్ మిర్రర్, విశాఖపట్నం: స్థానిక సంస్థల ఎన్నికలపై వైయస్సార్ కాంగ్రెస్ పార్టీ పూర్తిగా ఫోకస్ పెట్టింది. ముఖ్యంగా ఎంపిక చేసుకున్న నియోజకవర్గాల్లో స్థానిక సంస్థలను గెలుచుకోవాలని భావిస్తోంది. ఇక జిల్లా పరిషత్తులకు సంబంధించి పార్వతీపురం మన్యం జిల్లా పై ప్రత్యేకంగా ఫోకస్ పెట్టింది. ఉత్తరాంధ్రలో ప్రస్తుతం ఆరు జిల్లాలు కొనసాగుతున్నాయి. శ్రీకాకుళం, విజయనగరం, పార్వతీపురం మన్యం, విశాఖ, అనకాపల్లి, అల్లూరి జిల్లాలు కొనసాగుతూ ఉన్నాయి. అయితే ప్రధానంగా ఇందులో మూడు జడ్పి స్థానాలను కైవసం చేసుకోవాలన్న ఆలోచన చేసింది వైయస్సార్ కాంగ్రెస్ పార్టీ. ప్రత్యక్ష ఎన్నికలు కావడంతో సునాయాసంగా విజయం సాధించవచ్చు అని భావించింది. విజయనగరం, పార్వతీపురం మన్యం, అల్లూరి సీతారామరాజు జిల్లా పరిషత్ స్థానాలను తన ఖాతాల్లో వేసుకోవాలని చూసింది. కానీ అక్కడ కూటమి పట్టు బిగించే ప్రయత్నం చేస్తోంది. చాలా ముందస్తుగా ప్రణాళిక.. విజయనగరం జిల్లా పరిషత్ పీఠాన్ని కైవసం చేసుకోవాలని వైయస్సార్ కాంగ్రెస్ పార్టీ నెలల ముందు నుంచి ప్రణాళిక ప్రారంభించింది. కానీ ఆ జిల్లాకు జిల్లా పరిషత్ చైర్మన్ గా ఉన్న చిన్న శ్రీను వైయస్సార్ కాంగ్రెస్ పార్టీకి షాక్ ఇచ్చారు. తెలుగుదేశం పార్టీలో చేరిపోయారు. దీంతో భారీ షాక్ తగిలింది వైయస్సార్ కాంగ్రెస్ పార్టీకి. మొత్తం ద్వితీయ శ్రేణి నాయకత్వం అంత వైసీపీకి గుడ్ బై చెప్పి టిడిపిలో చేరింది. జడ్పీ చైర్ పర్సన్ గా తన కుమార్తె డాక్టర్ అనూషను రంగంలోకి దించాలని చూశారు బొత్స. చిన్న శ్రీను పార్టీకి రాజీనామా చేయడంతో బొత్స తీవ్ర ఆందోళనకు గురయ్యారు. ఆయనను మెజారిటీ ద్వితీయ శ్రేణి నాయకత్వం అనుసరించడంతో అక్కడ వైసిపికి ఆశలు లేనట్టే. ఆ రెండు జిల్లాలు అనుకూలం.. అయితే ఇప్పుడు ఉన్న పరిస్థితుల్లో పార్వతీపురం మన్యంతో పాటు అల్లూరి సీతారామరాజు జిల్లాలో వైయస్సార్ కాంగ్రెస్ పార్టీకి అనుకూలం. ఎందుకంటే అల్లూరి సీతారామరాజు జిల్లాకు సంబంధించి ఇద్దరు ఎమ్మెల్యేలు వైసీపీకి చెందినవారు ఉన్నారు. పాడేరు తో పాటు అరకకు వైసీపీ ఎమ్మెల్యేలు ప్రాతినిధ్యం వహిస్తున్నారు. వైయస్సార్ కాంగ్రెస్ పార్టీ ఆవిర్భావం నుంచి గిరిజన ప్రాంతమంతా అనుకూలంగా ఉంది. 2014 ఎన్నికల్లోను టిడిపి అక్కడ గెలవలేదు. 2019లో అయితే క్లీన్ స్వీప్ చేసింది. 2024 లో కూటమి ప్రభంజనంలో సైతం ఆ రెండు నియోజకవర్గాల్లో వైయస్సార్ కాంగ్రెస్ పార్టీ నిలబడగలిగింది. అందుకే ఇప్పుడు ప్రత్యక్ష ఎన్నికలు కావడంతో బలమైన అభ్యర్థిని బరిలో దించితే విజయం సునాయాసం అని వైసిపి భావిస్తుంది. ఆ నేతలు క్రియాశీలకం.. మరోవైపు పార్వతీపురం మన్యంపై కూడా వైసిపి ఆశలు పెట్టుకుంది. అక్కడ పార్టీకి బలమైన నేతలుగా ఇద్దరు మాజీ డిప్యూటీ సీఎంలు ఉన్నారు. పీడిక రాజన్న దొర, పుష్ప శ్రీవాణి లు చాలా యాక్టివ్ గా పని చేస్తున్నారు. దాదాపు 15 జడ్పిటిసిలు ఉన్న ఈ జిల్లా పరిషత్తు పరిధిలో బలమైన అభ్యర్థిని రంగంలోకి దించితే సునాయాస విజయం దక్కుతుందన్న అంచనాలు ఉన్నాయి. మరోవైపు అరకు ఎంపీగా వైసీపీకి చెందిన తనుజారాణి ప్రాతినిధ్యం వహిస్తున్నారు. అరకు పార్లమెంట్ పరిధిలో వైసిపి బలంగా ఉంది. అందుకే ఆ రెండు జిల్లా పరిషత్ స్థానాలను తన ఖాతాలో వేసుకోవాలని వైసిపి చూస్తోంది. చూడాలి ఆ ప్రయత్నం ఎంత వరకు వర్కౌట్ అవుతుందో..

అమరావతి రైతులకు తీపి కబురు..!

కడప ఎంపీ చుట్టూ ఉచ్చు…!

ఖైరతాబాద్ ఉప ఎన్నిక ఆలస్యం…!

అందరి దృష్టి పులివెందులపైనే..!

ఉప ఎన్నికల్లో విజయ్ కు ముచ్చెమటలు…!

Most Read

‘చుట్టమల్లే’ పాటపై AI మార్ఫింగ్.. జాన్వీ కపూర్ తీవ్ర ఆగ్రహం

నెస్లే డెయిరీ వైటనర్‌పై FSSAI కీలక ఆదేశాలు.. విక్రయాలు నిలిపివేత

తెలంగాణ విద్యార్థులకు దసరా సెలవుల తేదీలు ఖరారు.. స్కూళ్లు, కాలేజీలకు వేర్వేరు డేట్స్

ఇష్టమైన అమ్మాయితో పెళ్లి చేయలేదని మేనమామపై పగ.. చివరికి ఇంట్లోనే చోరీ

EDITOR PICKS

‘చుట్టమల్లే’ పాటపై AI మార్ఫింగ్.. జాన్వీ కపూర్ తీవ్ర ఆగ్రహం

నెస్లే డెయిరీ వైటనర్‌పై FSSAI కీలక ఆదేశాలు.. విక్రయాలు నిలిపివేత

తెలంగాణ విద్యార్థులకు దసరా సెలవుల తేదీలు ఖరారు.. స్కూళ్లు, కాలేజీలకు వేర్వేరు డేట్స్

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags