జాతీయం

క్రైమ్ మిర్రర్, పాలిటిక్స్ :- దేశ రాజకీయాల్లో మరో పెద్ద సంచలనం రాబోతోందా..? ప్రధాని నరేంద్ర మోదీ నాయకత్వంలోని కేంద్ర ప్రభుత్వం త్వరలోనే భారీ కేబినెట్ ప్రక్షాళనకు సిద్ధమవుతున్నట్లు సంకేతాలు వెలువడుతున్నాయి. మూడోసారి అధికారంలోకి వచ్చి రెండేళ్లు పూర్తిచేసుకున్న మోదీ, ఇక 2029 సాధారణ ఎన్నికల దిశగా అడుగులు వేస్తూ ప్రభుత్వంలో కీలక మార్పులకు శ్రీకారం చుట్టినట్లు తెలుస్తోంది. ఎన్డీఏ మీటింగ్తో మొదలైన మార్పుల సంకేతాలు ఈ నెల 10న జరగనున్న ఎన్డీఏ సమావేశం ఈ మార్పులకు బీజం వేయనున్నట్లు సమాచారం. ఈ సమావేశంలో ప్రభుత్వ పనితీరు, భవిష్యత్ వ్యూహాలు, అలాగే మంత్రివర్గ మార్పులపై కీలక నిర్ణయాలు తీసుకునే అవకాశం ఉంది. ఇప్పటికే పార్టీలోనూ, ప్రభుత్వంలోనూ తన ముద్ర వేసేలా మోదీ పలు కీలక నిర్ణయాలకు రూపకల్పన చేస్తున్నట్లు తెలుస్తోంది. నిర్మలా సీతారామన్కు విద్యాశాఖ..? ప్రస్తుతం ఆర్థిక మంత్రిగా ఉన్న నిర్మలా సీతారామన్కు విద్యాశాఖ బాధ్యతలు అప్పగించే అవకాశం ఉందని రాజకీయ వర్గాల్లో చర్చ జరుగుతోంది. ఇటీవల నీట్, సీబీఎస్ఈ వంటి అంశాలపై వచ్చిన వివాదాల నేపథ్యంలో ప్రస్తుత విద్యాశాఖ మంత్రి ధర్మేంద్ర ప్రధాన్పై ఒత్తిడి పెరిగింది. ఈ నేపథ్యంలో విద్యా రంగాన్ని పటిష్టం చేయడానికి నిర్మలపై మోదీ విశ్వాసం ఉంచుతున్నారని సమాచారం. పీయూష్ గోయల్కు ఆర్థిక శాఖ అవకాశం ప్రస్తుతం వాణిజ్య శాఖను చూసుకుంటున్న పీయూష్ గోయల్కు ఆర్థిక శాఖ బాధ్యతలు అప్పగించే అవకాశం ఉందని అంచనా. ఆయనకు ఉన్న ఆర్థిక అవగాహన, అనుభవం దృష్ట్యా ఈ మార్పు జరిగే అవకాశాలు ఎక్కువగా కనిపిస్తున్నాయి. కీలక శాఖల్లో మార్పులు ఉండవు హోంశాఖ, రక్షణ శాఖ, రవాణా శాఖ వంటి టాప్-3 కీలక శాఖల్లో పెద్దగా మార్పులు ఉండకపోవచ్చని తెలుస్తోంది. ఈ శాఖల్లో ప్రస్తుతం ఉన్న మంత్రులపై మోదీకి పూర్తి నమ్మకం ఉందని సమాచారం. అశ్విణీ వైష్ణవ్కు కొత్త బాధ్యతలు..? రైల్వే మంత్రిగా ఉన్న అశ్విణీ వైష్ణవ్కు వాణిజ్య శాఖ బాధ్యతలు అప్పగించే అవకాశం ఉందని రాజకీయ వర్గాలు చెబుతున్నాయి. సాంకేతిక పరిజ్ఞానం, పరిపాలనా నైపుణ్యం ఉన్న ఆయనను కీలక పాత్రలోకి తీసుకురావాలని యోచిస్తున్నారు. మంత్రివర్గం నుంచి 15-17 మందికి గుడ్బై..? ఈ ప్రక్షాళనలో భాగంగా దాదాపు 15 నుంచి 17 మంది మంత్రులను మంత్రివర్గం నుంచి తప్పించే అవకాశం ఉందని సమాచారం. కొందరికి పార్టీ బాధ్యతలు అప్పగించనున్నట్లు తెలుస్తోంది. పార్టీ సంస్థాగత వ్యవస్థను బలోపేతం చేయడమే దీని లక్ష్యం. గవర్నర్ పోస్టులకు మార్పులు హౌసింగ్ మంత్రి మనోహర్ లాల్ ఖట్టర్ను గవర్నర్గా పంపించే అవకాశాలు ఉన్నట్లు తెలుస్తోంది. అలాగే అటవీ శాఖ మంత్రి భూపేంద్ర యాదవ్కు పార్టీ ఆర్గనైజేషన్లో కీలక బాధ్యతలు అప్పగించే అవకాశం ఉంది. కొత్త వారికి అవకాశాలు సహాయ మంత్రుల స్థాయిలో కూడా మార్పులు జరగనున్నాయి. ముఖ్యంగా సాంకేతిక, ఆర్థిక రంగాల్లో అనుభవం ఉన్న మాజీ బ్యూరోక్రాట్లకు కేంద్రంలో అవకాశం ఇవ్వాలని భావిస్తున్నారు. ఇదే సమయంలో ఆంధ్రప్రదేశ్ నుంచి ఒకరు, తెలంగాణ నుంచి ఇద్దరికి కేంద్ర మంత్రివర్గంలో చోటు దక్కే అవకాశాలు ఉన్నట్లు సమాచారం. అసెంబ్లీ ఎన్నికల దృష్ట్యా వ్యూహం రాబోయే ఏడాది జరగనున్న పలు రాష్ట్రాల అసెంబ్లీ ఎన్నికలను దృష్టిలో పెట్టుకుని ఈ మార్పులు చేస్తున్నట్లు తెలుస్తోంది. ప్రాంతీయ సమీకరణలు, కుల, వర్గ సమతుల్యతను దృష్టిలో ఉంచుకుని మంత్రివర్గాన్ని రీషేప్ చేయనున్నారు. మిషన్ 2029 – మోదీ ఫోకస్ ఈ మొత్తం కేబినెట్ ప్రక్షాళన వెనుక అసలు లక్ష్యం ‘మిషన్ 2029’. వచ్చే లోక్సభ ఎన్నికల్లో మళ్లీ ఘన విజయం సాధించాలనే లక్ష్యంతో మోదీ తన టీమ్ను సిద్ధం చేస్తున్నట్లు స్పష్టంగా కనిపిస్తోంది. పాలనలో వేగం, పనితీరులో మెరుగుదల, ప్రజల్లో విశ్వాసం పెంపు – ఈ మూడు అంశాలపై ప్రత్యేక దృష్టి పెట్టనున్నారు. ఎప్పుడెప్పుడు ప్రక్షాళన..? ఈ నెల 20 ప్రాంతంలోనే కేబినెట్ మార్పులు జరిగే అవకాశాలు ఉన్నట్లు ఢిల్లీ వర్గాలు చెబుతున్నాయి. భారీ స్థాయిలో మార్పులు ఉండే అవకాశం ఉండటంతో దేశ రాజకీయాల్లో ఇది పెద్ద చర్చకు దారి తీస్తోంది.మోదీ మార్క్ నిర్ణయాలు ఎలా ఉంటాయన్నదే ఇప్పుడు అందరి దృష్టి. ఎవరికి ఏ శాఖ దక్కుతుంది..? ఎవరు అవుట్ అవుతారు..? కొత్తగా ఎవరు ఎంట్రీ ఇస్తారు..? అన్నది త్వరలోనే క్లియర్ కానుంది. కానీ ఒక విషయం మాత్రం స్పష్టంగా కనిపిస్తోంది – 2029 ఎన్నికల కోసం మోదీ తన గేమ్ ప్లాన్ను ఇప్పటికే ప్రారంభించారు.

ఢిల్లీ మాజీ సీఎస్ రాకేశ్ మెహతా ఆత్మహత్య.. లేఖలో కీలక విషయాలు

‘పరారీలో లేను.. బ్రిటన్‌ వీడే పరిస్థితి లేదు’.. విజయ్‌ మాల్యా సంచలన వ్యాఖ్యలు

ప్రమాదం కాదు.. పరువు కోసం కూతురిని హత్య చేసిన తండ్రి

TET, విద్యాఅర్హతల్లేని వారిని ఉపాధ్యాయులుగా నియమించవద్దు: సుప్రీంకోర్టు కీలక వ్యాఖ్యలు!

గుండెపోటుకు కోవిడ్ వ్యాక్సిన్ కారణమా? నిజానిజాలు ఇవే!

Most Read

తిరుపత్తూరులో వింత ఘటన.. ‘కరుప్ప స్వామి మా ఒంట్లో ఉన్నాడు’ అంటూ దంపతుల హల్‌చల్

హైదరాబాద్‌లో లోన్‌ యాప్‌ దారుణం.. ఈఎంఐ కోసం బాలిక ఫొటోలు మార్ఫింగ్ చేసి బెదిరింపులు

కోడలు వేసిన ప్లాన్.. మామ దారుణ హత్య! CCTVతో బయటపడిన అసలు కథ

సంగారెడ్డిలో విషాదం.. స్కూల్ బస్సు ఢీకొని బాలుడు మృతి

EDITOR PICKS

తిరుపత్తూరులో వింత ఘటన.. ‘కరుప్ప స్వామి మా ఒంట్లో ఉన్నాడు’ అంటూ దంపతుల హల్‌చల్

హైదరాబాద్‌లో లోన్‌ యాప్‌ దారుణం.. ఈఎంఐ కోసం బాలిక ఫొటోలు మార్ఫింగ్ చేసి బెదిరింపులు

కోడలు వేసిన ప్లాన్.. మామ దారుణ హత్య! CCTVతో బయటపడిన అసలు కథ

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags