సినిమా

హైదరాబాద్, క్రైమ్ మిర్రర్: చార్మింగ్ స్టార్ శర్వా, మాస్ మేవరిక్ సంపత్ నందితో కలిసి చేస్తున్న భారీ పాన్-ఇండియా పీరియడ్ యాక్షన్ సాగా 'భోగి'. ప్రతిష్టాత్మక శ్రీ సత్యసాయి ఆర్ట్స్ బ్యానర్పై కె.కె. రాధామోహన్ నిర్మిస్తున్న ఈ చిత్రాన్ని లక్ష్మీ రాధామోహన్ సమర్పిస్తున్నారు. శర్వా కెరీర్లో అత్యంత భారీ స్థాయి ప్రాజెక్టులలో ఒకటిగా రూపుదిద్దుకుంటోంది. ఇప్పటికే ఆకట్టుకునే ఫస్ట్-లుక్ పోస్టర్, శర్వా పుట్టినరోజు ప్రత్యేక పోస్టర్ను విడుదల చేసింది. వీటికి అద్భుతమైన స్పందన లభించింది. తాజాగా మేకర్స్ అనుపమ పరమేశ్వరన్ పాత్రను పరిచయం చేస్తూ ‘కందుల సులోచన రాణి’గా ఫస్ట్ లుక్ను విడుదల చేశారు. ఈ పోస్టర్లో అనుపమ పల్లెటూరి యువతిగా సహజసిద్ధమైన లుక్లో కనిపిస్తుంది. దుమ్ముతో నిండిన గ్రామీణ మార్గంలో కాలిబాటగా నడుస్తూ, తలపై ఆకులతో నిండిన పెద్ద బుట్టను మోస్తూ, చేతిలో మరికొన్ని ఆకులు, టిఫిన్ డబ్బాతో కనిపించడం ఆకట్టుకుంది.హాఫ్ శారీ, ఫేడెడ్ బ్లౌజ్తో ఆమె లుక్ పూర్తిగా రస్టిక్ ఫీల్ను ఇస్తోంది. ఆమె లుక్ లో ఇంటన్సిటీ పాత్ర బలాన్ని సూచిస్తోంది. బ్యాక్డ్రాప్లో కనిపించే మట్టి ఇళ్లు, కంచెలు, పశువులు, అసలైన గ్రామీణ వాతావరణాన్ని అందంగా చూపిస్తున్నాయి. మోదుగ ఆకులు తో ఆకుపళ్లెం తయారు చేస్తూ జీవనం సాగించే సులోచన పాత్రలో అనుపమ పూర్తిగా లీనమయ్యారు. ప్రకృతితో ముడిపడి ఉన్న ఈ పాత్రలో ఆమె సహజత్వం, ధైర్యం, బలం ప్రతిబింబిస్తున్నాయి. గంగా అనే తుఫాన్లాంటి పాత్రకు ఆత్మలా నిలిచే సులోచన ఈ కథలో కీలక పాత్రగా ఉండనుంది. ఈ పాత్ర కోసం అనుపమ డైలెక్ట్, డిక్షన్, ఎమోషనల్ న్యూయాన్స్లను ఎంతో కచ్చితంగా ప్రాక్టీస్ చేసి, నిజమైన అనుభూతిని తీసుకొచ్చారు. ఇప్పటికే రాజమహేంద్రవరం, రంపచోడవరం, మారేడుమిల్లి అడవుల్లో హై-ఇంటెన్సిటీ యాక్షన్ సన్నివేశాలు చిత్రీకరించారు. త్వరలో హైదరాబాద్ పరిసరాల్లో నెక్స్ట్ షెడ్యూల్ ప్రారంభం కానుంది. ఈ చిత్రంలో డింపుల్ హయాతి మరో హీరోయిన్గా నటిస్తున్నారు. 1960ల నేపథ్యంలో తెలంగాణ-మహారాష్ట్ర సరిహద్దుల్లో సాగే ఈ కథ యాక్షన్, భావోద్వేగాలతో నిండిన పీరియడ్ డ్రామాగా రూపొందుతోంది. 'భోగి'టాప్ టెక్నికల్ టీం పని చేస్తోంది. కిరణ్ కుమార్ మన్నె ప్రొడక్షన్ డిజైన్, కిషోర్ కుమార్ అరోకియా సినిమాటోగ్రఫీ, భీమ్స్ సిసిరోలియో సంగీతం అందిస్తున్నారు. భారీ స్థాయిలో తెరకెక్కుతున్న ‘భోగి’ చిత్రం రక్షా బంధన్ సందర్భంగా ఆగస్టు 28న తెలుగు, తమిళ, కన్నడ, మలయాళం, హిందీ భాషల్లో గ్రాండ్గా విడుదల కానుంది.

సూర్య కరుప్పు సినిమాపై కేసు.. మద్రాస్ హైకోర్టు షాకింగ్ కామెంట్స్…!

6 ఏళ్లలో 25 సినిమాలు.. ఇండస్ట్రీనే ఏలేసిన హీరోయిన్.. చివరకు తల్లి ఒడిలోనే..

కంగనా సీక్రెట్ మ్యారేజ్ చేసుకుందా…! సోష‌ల్ మీడియాలో హాట్ టాపిక్‌

సమవర్తి” మూవీ టైటిల్, ఫస్ట్ లుక్ రిలీజ్‌…!

Peddi Movie: పెద్ది’ మూవీ నుంచి స్పెషల్ సాంగ్ ‘హెల్లల్లో’ ప్రోమో రిలీజ్…!

Most Read

రెండు లారీలు ఢీ…డ్రైవ‌ర్ స‌జీవ ద‌హ‌నం…!

త‌గ్గిన బంగారు ధ‌ర‌లు…! ఈ రోజు ఎంతంటే….

బీజేపీ మాస్టర్ ప్లాన్.. ఆ రాష్ట్రాల్లో విజయమే లక్ష్యంగా ప్రత్యేక కార్యక్రమాలు.!

భయపెడుతున్న ఎబోలా.. హెల్త్ ఎమర్జెన్సీ గా ప్రకటించిన డబ్ల్యూహెచ్ఓ

EDITOR PICKS

రెండు లారీలు ఢీ…డ్రైవ‌ర్ స‌జీవ ద‌హ‌నం…!

త‌గ్గిన బంగారు ధ‌ర‌లు…! ఈ రోజు ఎంతంటే….

బీజేపీ మాస్టర్ ప్లాన్.. ఆ రాష్ట్రాల్లో విజయమే లక్ష్యంగా ప్రత్యేక కార్యక్రమాలు.!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags

WhatsApp Channel