క్రైమ్ మిర్రర్,అంతర్జాతీయం:-
అగ్రరాజ్యం అమెరికా మాజీ అధ్యక్షుడు డోనాల్డ్ ట్రంప్ ప్రస్తుతం తీవ్రమైన రాజకీయ ఒత్తిడిని, వరుస పరాజయాలను ఎదుర్కొంటున్నారు. ఒకప్పుడు తిరుగులేని నాయకుడిగా వెలుగొందిన ఆయనకు ఇప్పుడు ప్రతి దిశ నుంచీ తీవ్రమైన నిరాశే ఎదురవుతోంది.తెలుగు సినీ రరంగంలో ‘సై’ చిత్రంలో భిక్షు యాదవ్ చెప్పిన ఒక ప్రముఖ డైలాగ్ గుర్తుందా? “నిద్ర లేదు, సుఖం లేదు, దెబ్బ మీద దెబ్బ..” అని అంటాడు. ప్రస్తుతం ట్రంప్ పరిస్థితి సరిగ్గా అలాగే తయారైంది. అంతర్జాతీయ స్థాయిలో మరియు సొంత దేశంలో ఆయన తీసుకున్న పలు నిర్ణయాలు, సాధించాలనుకున్న లక్ష్యాలు ఊహించని విధంగా ఎదురుదెబ్బలు తింటున్నాయి.
మొదటిది, ఇరాన్‌తో నెలకొన్న తీవ్ర ఉద్రిక్తతలు మరియు యుద్ధ వాతావరణం ట్రంప్‌ను పెద్ద చిక్కుల్లో పడేసింది. విదేశాంగ విధానంలో స్పష్టత లేకపోవడంతో, ఆ సంక్షోభం నుండి సురక్షితంగా బయటపడటం ఆయనకు క్లిష్టంగా మారింది. రెండవది, ఆశించిన నోబెల్ శాంతి బహుమతి కూడా ఆయనకు దక్కకపోవడం మరో పెద్ద నిరాశను మిగిల్చింది.మరోవైపు, దేశీయంగా తాజాగా జరిగిన మిడ్‌టర్మ్ (మధ్యంతర) ఎన్నికల్లో ఆయన ప్రాతినిధ్యం వహిస్తున్న రిపబ్లికన్ పార్టీ ఘోర పరాజయాన్ని చవిచూసింది. ఈ ఓటమి ట్రంప్ ఇమేజ్‌ను మరింత దిగజార్చడమే కాకుండా, ఆయన సొంత పార్టీలోనే అంతర్గత విబేధాలు, వ్యతిరేక స్వరాలు బయటపడేలా చేసింది. పార్టీ నాయకులు మరియు శ్రేణులు ఆయన నిర్ణయాలను ప్రశ్నించే స్థాయికి పరిస్థితులు చేరుకున్నాయి.
రాజకీయంగా, అంతర్జాతీయంగా ఇలా నలువైపులా సంక్షోభాలు చుట్టుముట్టిన వేళ, ట్రంప్ ఈ తీవ్రమైన సవాళ్లను ఎలా ఎదుర్కొంటారు? పార్టీలో చెలరేగిన విభేదాలను ఎలా సర్దుబాటు చేస్తారు? అనే అంశాలు ఇప్పుడు ప్రపంచవ్యాప్తంగా తీవ్ర ఆసక్తికరంగా మారాయి.
మైదానానికి వీడ్కోలు.. ఇంటర్నేషనల్ ఫుట్‌బాల్‌కు ‘రొనాల్డో’ గుడ్‌బై!