క్రైమ్ మిర్రర్,ఆంధ్రప్రదేశ్:- అర్నబ్, మురసు తుఫాన్ల కారణంగా ఆంధ్రప్రదేశ్ రాష్ట్రానికి రూ. 7 వేల కోట్లకు పైగా ఆస్తి నష్టం వాటిల్లిందని ముఖ్యమంత్రి చంద్రబాబు నాయుడు వెల్లడించారు. ఈ విపత్తుల నేపథ్యంలో కేంద్ర ఆర్థిక మంత్రి నిర్మలా సీతారామన్ను కలిసిన ఆయన, రాష్ట్ర పరిస్థితిని సమగ్రంగా వివరించారు. తీర ప్రాంతాల్లో మౌలిక వసతులతో పాటు విద్యుత్ వ్యవస్థ తీవ్రంగా దెబ్బతిందని, రాష్ట్రానికి తక్షణ ఆర్థిక సాయం అందించాలని ఆయన కేంద్ర మంత్రిని కోరారు.
తుఫాన్ ప్రభావిత ప్రాంతాల్లో జరిగిన నష్టాన్ని క్షేత్రస్థాయిలో అంచనా వేసేందుకు కేంద్ర బృందాలు రాష్ట్రంలో పర్యటించాయని సీఎం చంద్రబాబు ఈ సందర్భంగా వివరించారు. తక్షణ సహాయక చర్యలు చేపట్టడానికి, పునరావాస పనులను వేగవంతం చేయడానికి కేంద్రం నుంచి అవసరమైన తోడ్పాటు అందాల్సిన అవసరాన్ని ఆయన నొక్కిచెప్పారు.
తిరుమల తరహాలో శబరిమల అభివృద్ధి చేస్తాం : కేరళం సీఎం
తుఫాన్ నష్టాల వివరాలతో పాటు, రాష్ట్రంలోని కీలక ప్రాంతాల అభివృద్ధి ప్రణాళికలను కూడా ముఖ్యమంత్రి చంద్రబాబు కేంద్ర మంత్రి దృష్టికి తీసుకెళ్లారు. ముఖ్యంగా అమరావతి, విశాఖపట్నం, తిరుపతి నగరాల అభివృద్ధికి సంబంధించిన ప్రణాళికలను నిర్మలా సీతారామన్కు వివరించారు. రాష్ట్ర పునర్నిర్మాణం, అభివృద్ధి కార్యక్రమాలకు కేంద్ర ప్రభుత్వ సహకారం ఎంతో కీలకమని ఆయన పేర్కొన్నారు. తుఫాన్ నష్టాల అంచనా, అభివృద్ధి ప్రణాళికలపై జరిగిన ఈ భేటీ రాష్ట్ర రాజకీయ, పరిపాలనా వర్గాల్లో ప్రాధాన్యత సంతరించుకుంది.
