క్రైమ్ మిర్రర్, తెలంగాణ:- తెలంగాణలో రాజకీయ వాతావరణం మరోసారి వేడెక్కింది. “ముస్లిం అంటే కాంగ్రెస్, కాంగ్రెస్ అంటే ముస్లిం” అన్న ముఖ్యమంత్రి రేవంత్ రెడ్డి వ్యాఖ్యలపై కేంద్ర మంత్రి బండి సంజయ్ తీవ్రస్థాయిలో మండిపడ్డారు. శివుడు, రాముడికి కూడా రాజకీయ సరిహద్దులు గీసే ప్రయత్నం చేస్తున్నారంటూ ఆయన సీఎంపై తీవ్ర ఆగ్రహం వ్యక్తం చేశారు. కాశీ విశ్వనాథుడు కొలువుదీరిన పవిత్ర వారణాసి స్థానం నుంచే ప్రధాన మంత్రి నరేంద్ర మోదీ ప్రాతినిధ్యం వహిస్తున్నారని బండి సంజయ్ ఈ సందర్భంగా గుర్తుచేశారు.
తెలంగాణ అభివృద్ధికి ప్రధాని మోదీ సహకరించడం లేదు: ఢిల్లీ వేదికగా సీఎం రేవంత్ రెడ్డి తీవ్ర ఆరోపణలు!
దేవుళ్లపై ప్రమాణాలు చేసి ప్రజల ఓట్లు పొందిన నేతలు, ఇప్పుడు అదే దేవుళ్ల పేరుతో ప్రజలను విభజించాలని చూస్తున్నారని ఆయన ‘ఎక్స్’ వేదికగా తీవ్రంగా దుయ్యబట్టారు. కాంగ్రెస్ పార్టీ అనుసరిస్తున్న ఇటువంటి విభజన రాజకీయాల కుట్రలను దేశంలోని హిందూ సోదరులందరూ స్పష్టంగా గుర్తించాలని బండి సంజయ్ పిలుపునిచ్చారు. దేవుళ్లను కూడా రాజకీయాల్లోకి లాగడం ద్వారా కాంగ్రెస్ పార్టీ లౌకిక వాదానికి తూట్లు పొడుస్తోందని బీజేపీ నేతలు ఆరోపిస్తున్నారు. ఈ వ్యాఖ్యలు రాష్ట్ర రాజకీయాల్లో తీవ్ర చర్చనీయాంశంగా మారాయి.
LPUలో తీవ్ర హింసాత్మక నిరసనలు, విధ్వంసం.. ప్రాణభయంతో ఇళ్లకు తిరుగుముఖం పడుతున్న తెలుగు విద్యార్థులు!