సోషల్ మీడియాలో రోజూ అనేక వీడియోలు వైరల్ అవుతుంటాయి. అందులో కొన్ని వినోదాన్ని అందిస్తే, మరికొన్ని ప్రేరణను కలిగిస్తాయి. తాజాగా ఓ చిన్నారి చేసిన ఫిట్నెస్ విన్యాసాలకు సంబంధించిన వీడియో నెటిజన్లను ఆకట్టుకుంటోంది.
వైరల్ అవుతున్న ఈ వీడియోలో ఓ బాలుడు సైనికుల ముందే అసాధారణంగా వేగంగా పుష్అప్స్ చేస్తూ కనిపిస్తున్నాడు. చిన్న వయసులోనే అతడు చూపిస్తున్న ఆత్మవిశ్వాసం, శారీరక దృఢత్వం చూసి అక్కడున్నవారంతా ఆశ్చర్యపోయారు. అతడు సాధారణంగా కాకుండా ఎంతో క్రమబద్ధంగా, ఫిట్నెస్ ట్రైనింగ్ తీసుకున్నట్లుగా పుష్అప్స్ చేయడం విశేషం.
బాలుడి ఉత్సాహాన్ని గమనించిన సైనికులు కూడా అతడిని ప్రోత్సహిస్తూ కనిపించారు. చుట్టుపక్కల ఉన్నవారు ఈ సన్నివేశాన్ని తమ మొబైల్ ఫోన్లలో రికార్డ్ చేసి సోషల్ మీడియాలో షేర్ చేశారు. దీంతో ఈ వీడియో వేగంగా వైరల్గా మారింది.
పుష్అప్స్ పూర్తి చేసిన అనంతరం, ఆ బాలుడు సైనికులకు గౌరవంగా సెల్యూట్ చేయడం వీడియోలో ప్రత్యేక ఆకర్షణగా నిలిచింది. సైనికులు కూడా చిరునవ్వుతో అతడికి తిరిగి సెల్యూట్ చేయడం చూసి నెటిజన్లు ఫిదా అవుతున్నారు.
ఈ వీడియోపై స్పందిస్తున్న నెటిజన్లు బాలుడిని “చిన్న కమాండో”గా అభివర్ణిస్తున్నారు. చిన్న వయసులోనే అతడు చూపించిన ధైర్యం, క్రమశిక్షణ ప్రశంసనీయమని పలువురు కామెంట్లు చేస్తున్నారు. మరికొందరు అయితే ఇలాంటి పిల్లలు దేశానికి గర్వకారణమని అభిప్రాయపడుతున్నారు.
also read: కరీంనగర్కు సిటీ బస్సుల శుభవార్త… మూడు రూట్లలో సేవలు ప్రారంభం