హైదరాబాద్, క్రైమ్మిర్రర్: లతెలంగాణ ప్రభుత్వం ప్రతిష్ఠాత్మకంగా చేపట్టిన మూసీ నది పునరుజ్జీవన ప్రాజెక్టు అమలుకు రాష్ట్ర కేబినెట్ కీలక నిర్ణయం తీసుకుంది. ముఖ్యమంత్రి రేవంత్ రెడ్డి అధ్యక్షతన జరిగిన కేబినెట్ సమావేశంలో ప్రాజెక్టు తొలి దశ పనులకు ఆమోదం లభించింది. ఈ దశలో సుమారు రూ.7,345 కోట్ల వ్యయంతో పనులు చేపట్టాలని ప్రభుత్వం నిర్ణయించింది. ప్రాజెక్టు ద్వారా మూసీ నదిని పూర్తిగా కాలుష్య రహితంగా మార్చడంతో పాటు, నగరంలోని మురుగునీటి శుద్ధి వ్యవస్థను బలోపేతం చేయడం, నది పరీవాహక ప్రాంతాల అభివృద్ధి, వరదల నివారణకు అవసరమైన మౌలిక సదుపాయాలను ఏర్పాటు చేయడం లక్ష్యంగా ప్రభుత్వం ముందుకు సాగుతోంది.
Also Read:మూసీ పునరుజ్జీవన ప్రాజెక్టుకు కేబినెట్ గ్రీన్ సిగ్నల్…! తొలిదశ పనులకు ఆమోదం….
మొదటి దశలో ప్రధానంగా మురుగునీటి శుద్ధి కేంద్రాల (STPs) నిర్మాణం, డ్రైనేజీ నెట్వర్క్ విస్తరణ, నదిలోకి కలుషిత నీరు చేరకుండా ఇంటర్సెప్టర్ డ్రైన్ల ఏర్పాటు, నది తీరాల అభివృద్ధి వంటి పనులు చేపట్టనున్నారు. ఈ పనుల ద్వారా మూసీ నది నీటి నాణ్యతను మెరుగుపరచడంతో పాటు హైదరాబాద్ నగర పర్యావరణాన్ని కూడా గణనీయంగా అభివృద్ధి చేయాలని ప్రభుత్వం భావిస్తోంది. కేబినెట్ సమావేశం అనంతరం అధికారులు మాట్లాడుతూ, ప్రాజెక్టు పనులను దశలవారీగా వేగంగా పూర్తి చేయాలని నిర్ణయించినట్లు తెలిపారు.
Also Read:‘జిహాదీ’ వ్యాఖ్యల వివాదం: నటుడు టిని టామ్పై కేసు నమోదు చేయాలన్న కోర్టు
పర్యావరణ పరిరక్షణతో పాటు నగరాభివృద్ధికి ఈ ప్రాజెక్టు కీలకంగా మారుతుందని ప్రభుత్వం అభిప్రాయపడుతోంది.అయితే, ప్రాజెక్టు అమలు నేపథ్యంలో భూసేకరణ, నిర్వాసితుల పునరావాసం, ఖర్చుల అంశాలపై ప్రతిపక్ష పార్టీలు కొన్ని అభ్యంతరాలు వ్యక్తం చేస్తున్నాయి. ప్రభుత్వం మాత్రం చట్టబద్ధంగా, పారదర్శకంగా ప్రాజెక్టును పూర్తి చేస్తామని స్పష్టం చేసింది.
Also Read:సినిమా కోసం ఎంతో శ్రమించా: హీరో విరాట్ కర్ణ- ‘నాగబంధం’పై భారీ నమ్మకం.. డూప్ లేకుండా యాక్షన్ సీన్లు!
