World Reacts to Trump Attack: అమెరికా మాజీ అధ్యక్షుడు డొనాల్డ్ ట్రంప్ పై జరిగిన దాడిని ప్రపంచవ్యాప్తంగా పలువురు దేశాల నాయకులు తీవ్రంగా ఖండించారు. భారత ప్రధాని నరేంద్ర మోదీ ఈ ఘటనపై స్పందించారు. ట్రంప్ సురక్షితంగా బయటపడటం సంతోషంగా ఉందన్నారు. ప్రజాస్వామ్యంలో హింసకు ఎలాంటి స్థానం లేదని ఆయన సోషల్ మీడియా వేదికగా వెల్లడించారు.
అటు ఇజ్రాయెల్ ప్రధాని బెంజిమన్ నెతన్యాహూ ఈ దాడిని ఖండించారు. ఇది కేవలం ట్రంప్పై, అమెరికాపై జరిగిన దాడి మాత్రమే కాదని, ప్రజాస్వామ్య వ్యవస్థపై జరిగిన దాడిగా భావించాలని అన్నారు. అలాగే ఫ్రాన్స్ అధ్యక్షుడు ఎమ్మాన్యుయేల్ మాక్రాన్ కూడా ఈ ఘటనను తీవ్రంగా ఖండించారు.
బ్రిటన్ ప్రధాని కిర్ స్టార్మర్ ఈ కాల్పుల ఘటన తనను దిగ్భ్రాంతికి గురిచేసిందన్నారు. పాకిస్థాన్ ప్రధాని షెహబాజ్ షరీఫ్, కెనడా ప్రధాని మార్క్ కెర్నీ, మెక్సికో అధ్యక్షురాలు క్లాడియా షీన్బామ్, జపాన్ ప్రధాని స్నె ట్కిచి, ఆస్ట్రేలియా ప్రధాని ఆంటోనీ ఆల్బెన్స్ కూడా ఈ దాడిని ఖండిస్తూ తమ ఆందోళన వ్యక్తం చేశారు.
ఈ ఘటనపై ప్రపంచ దేశాల నాయకులు ఒక్కసారిగా స్పందించడం ద్వారా ప్రజాస్వామ్య విలువలను కాపాడాల్సిన అవసరాన్ని మరింతగా స్పష్టంచేశారు. హింసకు వ్యతిరేకంగా గళమెత్తడం మాత్రమే కాదు, ఇటువంటి ఘటనలు పునరావృతం కాకుండా చర్యలు తీసుకోవాలని కూడా పిలుపునిచ్చారు.
