ఆంధ్రప్రదేశ్ రాష్ట్రంలోని పాఠశాల విద్యార్థులకు విద్యాశాఖ ఒక ముఖ్యమైన సమాచారాన్ని అందించింది. రాష్ట్రవ్యాప్తంగా ఉన్న స్కూళ్లకు ముందుగా నిర్ణయించిన అకడమిక్ క్యాలెండర్ ప్రకారమే దసరా పండుగ సెలవులు ఉంటాయని విద్యాశాఖ అధికారులు అధికారికంగా స్పష్టం చేశారు. తాజా ప్రకటన ప్రకారం, రాష్ట్రంలోని పాఠశాలలకు ఈ నెల 12వ తేదీ నుంచి 21వ తేదీ వరకు దసరా హాలిడేస్ ఇవ్వనున్నట్లు విద్యాశాఖ వెల్లడించింది.
అయితే, ఈ సెలవుల షెడ్యూల్‌లో విద్యార్థులకు ఒక ఆనందకరమైన వార్త ఉంది. ఈ నెల 10వ తేదీన రెండవ శనివారం రావడం, ఆ మరుసటి రోజు 11వ తేదీన ఆదివారం కావడంతో పాఠశాలలకు అధికారిక సెలవులు రెండు రోజుల ముందుగానే ప్రారంభం కానున్నాయి. దీన్నిబట్టి చూస్తే విద్యార్థులకు 10వ తేదీ నుంచే పండుగ సెలవులు మొదలవుతాయి. ఈ దసరా సెలవులు ముగిసిన అనంతరం, తిరిగి 22వ తేదీన అన్ని స్కూళ్లు పునఃప్రారంభం అవుతాయని విద్యాశాఖ స్పష్టంగా పేర్కొంది.
మరోవైపు పొరుగు రాష్ట్రమైన తెలంగాణలో కూడా దసరా సెలవుల షెడ్యూల్ ఇప్పటికే ఖరారైంది. తెలంగాణ రాష్ట్ర ప్రభుత్వం అక్కడి పాఠశాలలకు ఈ నెల 10వ తేదీ నుంచి 22వ తేదీ వరకు దసరా హాలిడేస్ ప్రకటించిన విషయం అందరికీ తెలిసిందే. ఈ తాజా స్పష్టతతో రెండు తెలుగు రాష్ట్రాల్లోని విద్యార్థులు, తల్లిదండ్రులు తమ పండుగ ప్రయాణాలకు సన్నద్ధమవుతున్నారు.
బ్యాంక్ ఉద్యోగుల కష్టాలు తీరేదెన్నడు?.. తక్షణమే ‘5 డేస్ వర్కింగ్’ అమలు చేయాలని కవిత డిమాండ్