#RailwayAccident - Crime Mirror

క్రైమ్ మిర్రర్ : సికింద్రాబాద్ రైల్వే స్టేషన్లో మంగళవారం సాయంత్రం విషాద ఘటన చోటుచేసుకుంది. భార్యను రైలు నుంచి దించేందుకు ప్రయత్నించిన ఓ పోస్టుమాస్టర్ ప్రమాదవశాత్తు ప్లాట్ఫామ్, రైలు మధ్యలో పడిపోయి తీవ్రంగా గాయపడ్డారు. ఆసుపత్రిలో చికిత్స పొందుతూ ప్రాణాలు కోల్పోయారు. రైల్వే పోలీసుల వివరాల ప్రకారం.. జనగామ జిల్లా ఘన్పూర్ మండలం పామనూర్ గ్రామానికి చెందిన కందుకూరి గోపాల్ కిషన్ (57) పోస్టుమాస్టర్గా విధులు నిర్వహిస్తున్నారు. కుటుంబ సభ్యులతో కలిసి ఓ కార్యక్రమానికి హాజరయ్యేందుకు మంగళవారం స్టేషన్ ఘన్పూర్ నుంచి సికింద్రాబాద్కు వచ్చారు. సికింద్రాబాద్ రైల్వే స్టేషన్లోని రెండో నంబర్ ప్లాట్ఫామ్పై నారాయణాద్రి ఎక్స్ప్రెస్ నిలిచి ఉంది. ఈ సమయంలో గోపాల్ కిషన్ భార్య జయ టాయిలెట్కు వెళ్లేందుకు రైలులోకి ఎక్కారు. ఆమెను తిరిగి కిందకు దించేందుకు గోపాల్ కిషన్ ప్రయత్నిస్తున్న సమయంలో అనుకోకుండా రైలు కదిలింది. రైలు కదులుతున్న సమయంలో అదుపుతప్పిన గోపాల్ కిషన్ ప్రమాదవశాత్తు ప్లాట్ఫామ్, రైలు మధ్యలో పడిపోయారు. ఈ ఘటనలో ఆయన ఎడమ చేతికి తీవ్ర గాయాలు కావడంతో పాటు నడుము భాగంలో తీవ్రంగా గాయపడినట్లు పోలీసులు తెలిపారు. ప్రమాదాన్ని గుర్తించిన రైల్వే సిబ్బంది వెంటనే స్పందించి గోపాల్ కిషన్ను బయటకు తీసి అంబులెన్స్లో శ్రీకర ఆసుపత్రికి తరలించారు. అక్కడ వైద్యులు అత్యవసర చికిత్స అందించినప్పటికీ పరిస్థితి విషమించడంతో రాత్రి సుమారు 7.30 గంటల సమయంలో ఆయన మృతి చెందినట్లు నిర్ధారించారు. ఈ ఘటనతో కుటుంబ సభ్యులు తీవ్ర విషాదంలో మునిగిపోయారు. సమాచారం అందుకున్న రైల్వే పోలీసులు ఘటనపై కేసు నమోదు చేసి దర్యాప్తు చేపట్టారు. ప్రమాదానికి సంబంధించిన పూర్తి వివరాలను సేకరిస్తున్నారు. also read : రీల్స్ కోసం రైల్వే ట్రాక్పైకి.. ఎంఎంటీఎస్ రైలు ఢీకొని యువకుడు మృతి

Tag: #RailwayAccident

Most Read

మూడో కాన్పుకూ 365 రోజుల ప్రసూతి సెలవు.. మహిళా ఉద్యోగులకు తమిళనాడు సర్కార్ గుడ్‌న్యూస్

హత్యాయత్నం కేసులో వైసీపీ ఎమ్మెల్యే విరూపాక్షికి బెయిల్.. అయినా బయటకు రాకుండా జైలులోనే…

సింహగడ్ కోటలో పర్యాటకుల దుస్తులపై అభ్యంతరం చెప్తూ దాడి.. ఎనిమిది మందిపై కేసు

క్రీడా ప్రసార రంగానికి కొత్త దిశ చూపిన ఈఎస్‌పీఎన్ సహ వ్యవస్థాపకుడు బిల్ రాస్ముసెన్ కన్నుమూత

EDITOR PICKS

సికింద్రాబాద్ రైల్వే స్టేషన్‌లో విషాదం.. రైలు కింద పడి పోస్టుమాస్టర్ మృతి

రీల్స్ కోసం రైల్వే ట్రాక్‌పైకి.. ఎంఎంటీఎస్ రైలు ఢీకొని యువకుడు మృతి

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags