Maharashtra - Crime Mirror

ఐఫోన్ ఈఎంఐ చెల్లింపు విషయంలో తలెత్తిన కుటుంబ వివాదం తీవ్ర విషాదానికి దారితీసింది. కుమారుడు ఆత్మహత్యకు ప్రయత్నించకుండా అడ్డుకునేందుకు వెళ్లిన తల్లిదండ్రులు కూడా కొండపై నుంచి పడిపోయి ప్రాణాలు కోల్పోయారు. మహారాష్ట్రలోని ఛత్రపతి శంభాజీనగర్లో చోటుచేసుకున్న ఈ ఘటనకు సంబంధించిన వీడియో తాజాగా వెలుగులోకి రావడంతో హృదయాలను కలచివేస్తోంది. ఝల్తా గ్రామానికి చెందిన 19 ఏళ్ల కునాల్ చంద్గుడేకు ఐఫోన్ ఈఎంఐ చెల్లింపు విషయంలో తండ్రి మురళీధర్తో వాగ్వాదం జరిగినట్లు సమాచారం. అనంతరం తీవ్ర మనస్తాపానికి గురైన కునాల్ సమీపంలోని కొండపైకి వెళ్లి ప్రమాదకరమైన అంచుపై నిలబడ్డాడు. విషయం తెలుసుకున్న తల్లి సంగీత అక్కడికి చేరుకుని కుమారుడిని వెనక్కి రావాలని గంటల తరబడి వేడుకుంది. సమస్య ఏదైనా కలిసి పరిష్కరించుకుందామని కన్నీళ్లతో కోరింది. ఆమె నేలపై కూర్చుని, కుమారుడి కాళ్లపై పడుతూ ప్రాణాలు తీసుకోవద్దని వేడుకున్న దృశ్యాలు వీడియోలో కనిపిస్తున్నాయి. అయినప్పటికీ కునాల్ వెనక్కి తగ్గకపోవడంతో పోలీసులు, అగ్నిమాపక సిబ్బంది, గ్రామ సర్పంచ్ కూడా అతడిని ఒప్పించే ప్రయత్నం చేశారు. ఈ సమయంలో తండ్రి మురళీధర్ కుమారుడిని అంచు నుంచి వెనక్కి లాగేందుకు ప్రయత్నించగా ఇద్దరి కాళ్లు పట్టుతప్పి కొండపై నుంచి కిందపడిపోయినట్లు సమాచారం. భర్త, కుమారుడు ప్రమాదానికి గురైన దృశ్యాన్ని కళ్లముందే చూసిన సంగీత తీవ్ర దిగ్భ్రాంతికి లోనైంది. అనంతరం ఆమె కూడా కొండపై నుంచి దూకి ప్రాణాలు కోల్పోయినట్లు తెలుస్తోంది. దీంతో ఒకే కుటుంబంలో ముగ్గురు ప్రాణాలు కోల్పోవడం స్థానికంగా తీవ్ర విషాదాన్ని నింపింది. ఈ కుటుంబం నాలుగు నెలల క్రితమే ఆ ప్రాంతానికి వచ్చి నివసిస్తున్నట్లు గ్రామస్తులు తెలిపారు. స్థానికులతో వారికి పెద్దగా పరిచయాలు లేవని చెప్పారు. మరోవైపు, కుటుంబం నివసించిన ఇంటి వద్ద పెంపుడు కుక్క ఇంకా తన యజమానుల కోసం ఎదురుచూస్తున్న దృశ్యం స్థానికులను కంటతడి పెట్టిస్తోంది. ఈ ఘటనకు సంబంధించిన వీడియో సామాజిక మాధ్యమాల్లో వైరల్గా మారింది. also read: దృశ్యం 4పై అధికారిక ప్రకటన.. మరోసారి జార్జ్కుట్టిగా మోహన్లాల్

Tag: Maharashtra

Most Read

Guntur Murder: 20 ఏళ్ల పాత కక్ష.. పట్టపగలే వ్యక్తి దారుణ హత్య

అంబర్‌పేట్‌లో ఏఆర్ కానిస్టేబుల్ ఆత్మహత్య.. వాట్సాప్‌లో స్నేహితులకు చివరి సమాచారం

సాయిరాం నగర్‌లో అర్ధరాత్రి అగ్నిప్రమాదం.. ఐదు బైక్‌లు దగ్ధం

చంచల్‌గూడ జైలులో విషాదం.. రిమాండ్ ఖైదీ మృతి

EDITOR PICKS

ఐఫోన్ ఈఎంఐ వివాదం.. కొడుకును కాపాడబోయి తండ్రి మృతి, మనోవేదనతో తల్లి ఆత్మహత్య

గృహహింస కేసుపై పగ.. కోడలిని హత్య చేయించిన అత్త

ప్రభుత్వ ఆస్పత్రిలో నిర్లక్ష్యం.. గర్భిణి కడుపులోనే గ్లోవ్స్, టిష్యూలు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags