Maharashtra - Crime Mirror

క్రైమ్ మిర్రర్ : మహారాష్ట్రలోని ముంబై సమీప ప్రాంతమైన భీవండిలో గురువారం అర్ధరాత్రి చోటుచేసుకున్న భవన ప్రమాదం తీవ్ర విషాదాన్ని మిగిల్చింది. శిథిలావస్థలో ఉన్న నాలుగు అంతస్తుల నివాస భవనం ఒక్కసారిగా కుప్పకూలడంతో పలువురు శిథిలాల కింద చిక్కుకోగా, ఇప్పటివరకు 9 మంది మృతి చెందినట్లు అధికారులు వెల్లడించారు. పలువురు గాయపడగా, మరికొందరు శిథిలాల కింద చిక్కుకున్న అవకాశముండటంతో సహాయక చర్యలు కొనసాగుతున్నాయి. అధికారుల సమాచారం ప్రకారం.. ప్రమాదానికి గురైన భవనంలో మొత్తం నాలుగు అంతస్తులు ఉండగా, ప్రతి అంతస్తులో 12 గదుల చొప్పున మొత్తం 48 గదులు ఉన్నాయి. భవనం బలహీనంగా మారి ఎప్పుడైనా కూలిపోయే ప్రమాదం ఉందని మున్సిపల్ అధికారులు ముందుగానే గుర్తించారు. ఈ నేపథ్యంలో భవనానికి మరమ్మతులు చేపట్టేందుకు చర్యలు ప్రారంభించారు. గురువారం రాత్రి సుమారు 9 గంటల సమయంలో భవనం నుంచి పగుళ్లు ఏర్పడుతున్నట్లు, నిర్మాణ భాగాలు కూలిపోతున్నట్లు శబ్దాలు రావడంతో స్థానికులు వెంటనే అధికారులకు సమాచారం అందించారు. అప్రమత్తమైన అధికారులు ఘటనా స్థలానికి చేరుకుని భవనంలో నివసిస్తున్న కుటుంబాలను దశలవారీగా ఖాళీ చేయించడం ప్రారంభించారు. కొందరిని సురక్షిత ప్రాంతాలకు తరలించగా, ఇంకా మిగిలిన వారిని బయటకు తీసుకొస్తున్న సమయంలో రాత్రి సుమారు 11:30 గంటలకు భవనం ఒక్కసారిగా కుప్పకూలింది. సమాచారం అందుకున్న అగ్నిమాపక సిబ్బంది, విపత్తు నిర్వహణ బృందాలు, పోలీసులు భారీ యంత్రాలతో సహాయక చర్యలు చేపట్టారు. శిథిలాలను తొలగిస్తూ మృతదేహాలను వెలికితీసి, గాయపడిన వారిని సమీప ఆస్పత్రులకు తరలించారు. ఇంకా శిథిలాల కింద ఎవరైనా చిక్కుకుని ఉండే అవకాశం ఉన్నందున సహాయక చర్యలు కొనసాగుతున్నాయి. ఈ ఘటనపై అధికారులు దర్యాప్తు ప్రారంభించారు. భవనం కూలడానికి గల ఖచ్చితమైన కారణాలపై విచారణ కొనసాగుతుండగా, మృతుల సంఖ్య పెరిగే అవకాశం ఉందని అధికారులు తెలిపారు. ఈ విషాద ఘటన భీవండి ప్రాంతంలో తీవ్ర ఆందోళనకు దారితీసింది. also read : పెద్ది సుదర్శన్ రెడ్డి మృతి తీరని లోటు: హరీశ్రావు

Tag: Maharashtra

Most Read

Guntur Murder: 20 ఏళ్ల పాత కక్ష.. పట్టపగలే వ్యక్తి దారుణ హత్య

అంబర్‌పేట్‌లో ఏఆర్ కానిస్టేబుల్ ఆత్మహత్య.. వాట్సాప్‌లో స్నేహితులకు చివరి సమాచారం

సాయిరాం నగర్‌లో అర్ధరాత్రి అగ్నిప్రమాదం.. ఐదు బైక్‌లు దగ్ధం

చంచల్‌గూడ జైలులో విషాదం.. రిమాండ్ ఖైదీ మృతి

EDITOR PICKS

ఐఫోన్ ఈఎంఐ వివాదం.. కొడుకును కాపాడబోయి తండ్రి మృతి, మనోవేదనతో తల్లి ఆత్మహత్య

గృహహింస కేసుపై పగ.. కోడలిని హత్య చేయించిన అత్త

ప్రభుత్వ ఆస్పత్రిలో నిర్లక్ష్యం.. గర్భిణి కడుపులోనే గ్లోవ్స్, టిష్యూలు!

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags