రాజకీయం

ప్రొఫెసర్ కోదండరాంకు పక్కా విద్యాశాఖ కట్టబెట్టే అవకాశం ఈసారి రాములమ్మకు సైతం తెలంగాణ కాంగ్రెస్ అధ్యక్షుడు మహేష్ గౌడ్ కు స్థానం బీసీల కోటాలో డిప్యూటీ సీఎం హోదా..?! క్రైమ్ మిర్రర్, తెలంగాణ బ్యూరో: తెలంగాణ మంత్రివర్గ విస్తరణ పై కసరత్తు ప్రారంభం అయిందా? ఓ ముగ్గురిని క్యాబినెట్లో తీసుకుంటారా? ఓ ఇద్దరికీ ఉద్వాసన తప్పదా? ఐదు రాష్ట్రాల ఎన్నికల ఫలితాల తర్వాత తెలంగాణ క్యాబినెట్లో సమూల మార్పులు జరగనున్నాయా? అంటే అవుననే సమాధానం వినిపిస్తోంది. జరుగుతున్న పరిణామాలు కూడా అలానే ఉన్నాయి. పనిలో పనిగా కాంగ్రెస్ రాష్ట్ర అధ్యక్షుడు మార్పు ఉంటుందన్న ప్రచారం జోరుగా సాగుతోంది. మే నాలుగున ఐదు రాష్ట్రాల ఎన్నికల ఫలితాల తర్వాత దీనిపై క్లారిటీ రానుంది. కొత్తగా ముగ్గురికి.. ప్రస్తుతం తెలంగాణ క్యాబినెట్లో ఒక మంత్రి పదవి ఖాళీగా ఉంది. కొత్తగా ముగ్గురిని క్యాబినెట్ లోకి తీసుకొని.. ఓ ఇద్దరిని బయటకు పంపుతారన్న ప్రచారం నడుస్తోంది. తరచు వివాదాస్పద వ్యాఖ్యలతో ప్రభుత్వంతో పాటు పార్టీకి ఇబ్బందులు తెచ్చి పెట్టిన ఓ ఇద్దరు మంత్రులను తొలగించడం ఖాయమని ప్రచారం నడుస్తోంది. అయితే ప్రధానంగా ఓ ముగ్గురు నేతలను క్యాబినెట్ లోకి తీసుకుంటారని టాక్ నడుస్తోంది. ప్రధానంగా ప్రొఫెసర్ కోదండరాం, విజయశాంతి, మహేష్ కుమార్ గౌడ్ పేర్లు వినిపిస్తున్నాయి. ఈ ముగ్గురికి మంత్రి పదవుల విషయంలో పార్టీ హై కమాండ్ తో పాటు సీఎం రేవంత్ రెడ్డి సానుకూలంగా ఉన్నట్లు ప్రచారం నడుస్తోంది. అయితే క్యాబినెట్ నుంచి తొలగించే ఆ ఇద్దరు మంత్రులు ఎవరు అనేది హాట్ టాపిక్ అవుతోంది. అయితే తెలంగాణ అసెంబ్లీ ఎన్నికలు సమీపిస్తున్న తరుణంలో.. క్యాబినెట్ పునర్వ్యవస్థీకరణ ఖాయమన్న ప్రచారం పొలిటికల్ వర్గాల్లో ఉంది. కోదండరాంకు విద్యాశాఖ.. గవర్నర్ కోటా కింద ఎమ్మెల్సీగా ప్రమాణస్వీకారం చేశారు ప్రొఫెసర్ కోదండరాం. 2023 అసెంబ్లీ ఎన్నికల్లో కాంగ్రెస్ పార్టీకి మద్దతు ప్రకటించారు కోదండరాం. కాంగ్రెస్ అధికారంలోకి వస్తే మంత్రివర్గంలోకి తీసుకుంటామని అప్పట్లోనే ఆయనకు హామీ ఇచ్చారు. కానీ ఆయన ఎమ్మెల్సీ పదవి విషయంలో సాంకేతిక పరమైన సమస్యలు ఎదురయ్యాయి. ఇప్పుడు ఎమ్మెల్సీగా ఎన్నిక కావడంతో మంత్రివర్గంలోకి తీసుకొని విద్యాశాఖను అప్పగిస్తారని ప్రచారం సాగుతోంది. ప్రొఫెసర్ గా విశేషమైన అనుభవం ఆయనకు ఉంది. అందుకే ఆయన సేవలను విద్యాశాఖ బలోపేతానికి వాడుకుంటారని తెలుస్తోంది. ఆయనకు మంత్రి పదవి ఇవ్వడం ద్వారా గులాబీ పార్టీకి సైతం షాక్ ఇవ్వాలని రేవంత్ నిర్ణయించుకున్నట్లు ప్రచారం నడుస్తోంది. రాములమ్మ సినీ గ్లామర్.. మరోవైపు ఎమ్మెల్సీ విజయశాంతికి సైతం మంత్రి పదవి ఇస్తారని తెలుస్తోంది. మంత్రి పదవి హామీ తోనే ఆమె బిజెపి నుంచి కాంగ్రెస్లో చేరారు. ఆమెకు మంత్రి పదవి ఇవ్వడం ద్వారా కేసిఆర్ పై బలమైన వాయిస్ ప్రయోగం చేయాలని చూస్తున్నట్లు తెలుస్తోంది. ఉద్యమ నేపథ్యంలో విజయశాంతికి తెలంగాణ సమాజంలో మంచి పేరు ఉంది. ఆమెకు మంత్రి పదవి ఇవ్వడం ద్వారా మంచి సంకేతాలు పంపాలని రేవంత్ భావిస్తున్నారట. ఆమెకు ఉన్న సినీ గ్లామర్ను వచ్చే ఎన్నికల్లో వినియోగించుకోవాలని చూస్తున్నారట. పొన్నం ప్రభాకర్ కు అధ్యక్ష బాధ్యతలు.. మరోవైపు తెలంగాణ కాంగ్రెస్ పార్టీ అధ్యక్షుడు మహేష్ కుమార్ గౌడ్ సైతం మంత్రివర్గంలోకి వస్తారని ప్రచారం నడుస్తోంది. కొద్ది రోజుల కిందటే ఆయన కాంగ్రెస్ కమిటీ అధ్యక్షుడిగా ఎన్నికయ్యారు. బీసీ వర్గానికి చెందిన ఆయనను మంత్రివర్గంలోకి తీసుకొని డిప్యూటీ సీఎం హోదా కట్టబెడతారని తెలుస్తోంది. ఇప్పటికే ఎస్సీ సామాజిక వర్గానికి చెందిన మల్లు భట్టి విక్రమార్కకు డిప్యూటీ సీఎం హోదా ఇచ్చారు. ఇప్పుడు బీసీ కోటాలో మహేష్ గౌడ్కు డిప్యూటీ సీఎం హోదా ఇస్తారని తెలుస్తోంది. అయితే కాంగ్రెస్ అధ్యక్ష పదవి మరో బీసీ మంత్రి పొన్నం ప్రభాకర్కు అప్పగిస్తారని సమాచారం. ఐదు రాష్ట్రాల ఎన్నికల ఫలితాల తరువాత దీనిపై పూర్తి స్పష్టత వచ్చే అవకాశం ఉంది.

నా ర్యాలీ తర్వాత శుద్ధీకరణ హోమం.. రాజ్యసభలో ఖర్గే తీవ్ర ఆరోపణలు

టీడీపీలోకి దగ్గుబాటి వారసుడు.. రాజకీయ అరంగేట్రానికి హితేష్ చెంచురాం సిద్ధం!

ఆటో కార్మికులతో పెట్టుకున్న ప్రభుత్వాలు బతికి బట్టకట్టలేవు…!

జనసేనలోకి రాజా సింగ్!

CM brother : కొండల్ రెడ్డి పై గురి…!

Most Read

ఢిల్లీ ఎయిర్‌పోర్టులో కలకలం.. ప్రయాణికుడి బ్యాగులో కోతి పుర్రె!

ఆస్పత్రి నుంచి డిశ్చార్జ్ అయిన జూనియర్ ఎన్టీఆర్‌.. 2- 3 నెలలు విశ్రాంతి అవసరమని వైద్యుల సూచన

రెడ్ కార్పెట్‌పై ఊహించని ముద్దు.. నికిత రావల్ షాకింగ్ రియాక్షన్

రూ.271 కోట్ల పెంట్‌హౌస్‌.. దేశ రియల్ ఎస్టేట్‌లో సంచలనం!

EDITOR PICKS

ఢిల్లీ ఎయిర్‌పోర్టులో కలకలం.. ప్రయాణికుడి బ్యాగులో కోతి పుర్రె!

ఆస్పత్రి నుంచి డిశ్చార్జ్ అయిన జూనియర్ ఎన్టీఆర్‌.. 2- 3 నెలలు విశ్రాంతి అవసరమని వైద్యుల సూచన

రెడ్ కార్పెట్‌పై ఊహించని ముద్దు.. నికిత రావల్ షాకింగ్ రియాక్షన్

POPULAR POSTS

మునుగోడు ఆశ..రాజన్న శ్వాస..

డ్రైవింగ్ లైసెన్స్‌ నేరుగా ఇంటికే..!

RGV: బలవంతుడిదే రాజ్యం.. గెలిచిన వారి మతంలో చేరుతా!

POPULAR CATEGORY

ABOUT US

Trending Tags