సినిమా

క్రైమ్ మిర్రర్, సినిమా:- తమిళ సినీ పరిశ్రమలో ఇప్పుడు దళపతి విజయ్ నటిస్తున్న చివరి చిత్రం జన నాయగన్ గురించే ఎక్కువ చర్చ జరుగుతోంది. రాజకీయాల్లో పూర్తి స్థాయిలో అడుగుపెట్టనున్న విజయ్కు ఇది చివరి సినిమా కావడంతో అభిమానుల్లో భారీ అంచనాలు నెలకొన్నాయి. జూలై 24న ప్రపంచవ్యాప్తంగా విడుదల కానున్న ఈ చిత్రానికి సంబంధించి ఇప్పటికే భారీ హైప్ ఏర్పడింది. ఇదే సమయంలో విజయ్ కుమారుడు జేసన్ సంజయ్ దర్శకుడిగా పరిచయం అవుతున్న తొలి చిత్రం సిగ్మా విడుదలపై ఆసక్తికర వార్తలు వినిపిస్తున్నాయి. జేసన్ సంజయ్ దర్శకత్వంలో సందీప్ కిషన్ హీరోగా తెరకెక్కుతున్న సిగ్మా సినిమాను తొలుత జూలై 31న విడుదల చేయాలని మేకర్స్ ప్రకటించారు. అయితే ఇప్పుడు ఈ సినిమా విడుదల తేదీ మారే అవకాశం ఉందని సినీ వర్గాల్లో ప్రచారం జరుగుతోంది. తండ్రి విజయ్ చివరి సినిమా విడుదలైన వెంటనే తన సినిమా వస్తే బాక్సాఫీస్ వద్ద అనవసర పోటీ ఏర్పడే అవకాశం ఉందనే కారణంతో ఈ నిర్ణయం తీసుకున్నట్లు టాక్ వినిపిస్తోంది. వెకేషన్లో ఐశ్వర్య రాజేష్.. ఒక్క ఫొటోతో నెట్టింట ఫన్నీ కామెంట్ల వర్షం! జన నాయగన్ విజయ్ కెరీర్లో చివరి సినిమా కావడంతో తమిళనాడుతో పాటు ఇతర రాష్ట్రాల్లోనూ భారీ స్థాయిలో విడుదలకు సన్నాహాలు చేస్తున్నారు. ఈ సినిమాకు మొదటి వారం భారీ వసూళ్లు వచ్చే అవకాశం ఉందని ట్రేడ్ వర్గాలు అంచనా వేస్తున్నాయి. అలాంటి సమయంలో కొత్త దర్శకుడిగా జేసన్ సంజయ్ తెరకెక్కించిన సిగ్మా ను విడుదల చేస్తే ప్రేక్షకుల దృష్టి పూర్తిగా విజయ్ సినిమాపైనే ఉండే అవకాశం ఉందని భావిస్తున్నారట.దీంతో సిగ్మా చిత్రాన్ని ఆగస్టు నెలకు వాయిదా వేయాలని మేకర్స్ పరిశీలిస్తున్నట్లు సమాచారం. అయితే దీనిపై చిత్ర బృందం నుంచి ఇప్పటివరకు అధికారిక ప్రకటన వెలువడలేదు. అయినప్పటికీ ఈ వార్త కోలీవుడ్లో హాట్ టాపిక్గా మారింది.ఇక సిగ్మా చిత్రంలో సందీప్ కిషన్ సరసన ఫరియా అబ్దుల్లా హీరోయిన్గా నటిస్తున్నారు. రాజు సుందరం, సంపత్ రాజ్, శివ్ పండిట్, అంబు దాసన్, యోగ్ జాపీ కీలక పాత్రలు పోషిస్తున్నారు. లైకా ప్రొడక్షన్స్ నిర్మిస్తున్న ఈ చిత్రానికి ఎస్. థమన్ సంగీతం అందిస్తుండగా, కృష్ణన్ వసంత్ సినిమాటోగ్రఫీ, ప్రవీణ్ కేఎల్ ఎడిటింగ్ బాధ్యతలు నిర్వహిస్తున్నారు. అయితే ప్రస్తుతం సిగ్మా విడుదల వాయిదా పడుతుందన్న వార్తలు సోషల్ మీడియాలో వైరల్ అవుతున్నప్పటికీ, దీనిపై అధికారిక ప్రకటన వచ్చే వరకు వేచి చూడాల్సిందే. విజయ్ చివరి సినిమా కోసం జేసన్ సంజయ్ నిజంగానే తన తొలి దర్శకుడి చిత్రాన్ని వాయిదా వేస్తారా? అనే అంశం ఇప్పుడు సినీ అభిమానుల్లో ఆసక్తిని రేకెత్తిస్తోంది. Amaravati Assigned Lands Case: సీఎం చంద్రబాబు, మంత్రి నారాయణకు హైకోర్టు భారీ ఊరట.. CID కేసు రద్దు

అజయ్ దేవ్‌గణ్‌కు బీఎంసీ షాక్.. బంగ్లాలో నిర్మాణ పనులు నిలిపివేత

అపోలో హాస్పిటల్స్‌లో ఉపాసనకు బిగ్ రెస్పాన్సిబిలిటీ.. ‘డైరెక్టర్-ప్రాజెక్ట్స్’గా నూతన బాధ్యతలు!

డ్యాన్సర్స్ అసోసియేషన్‌లో కీలక పరిణామం.. సుమలత కార్యవర్గం రద్దు

సిగ్మా ప్రీ రిలీజ్‌కు మెగాస్టార్.. సందీప్ కిషన్ సినిమాకు భారీ హైప్

హెల్మెట్‌ పెట్టుకోవడం వల్లే నా ప్రాణం నిలిచింది.. సాయి ధరమ్‌ తేజ్‌ ఎమోషనల్ పోస్ట్

Most Read

బ్రిజ్ భూషణ్‌కు మరో షాక్.. కోర్టు తీర్పును సవాల్ చేసిన మహిళా రెజ్లర్లు

దారుణం.. యువతిపై సామూహిక అత్యాచారం, ఐదుగురు అరెస్ట్

నేపాల్‌కు మరోసారి వరద ముప్పు.. బాగ్‌మతి నది ఉగ్రరూపం

ఇండియా కూటమిలోకి జగన్…!

EDITOR PICKS

బ్రిజ్ భూషణ్‌కు మరో షాక్.. కోర్టు తీర్పును సవాల్ చేసిన మహిళా రెజ్లర్లు

దారుణం.. యువతిపై సామూహిక అత్యాచారం, ఐదుగురు అరెస్ట్

నేపాల్‌కు మరోసారి వరద ముప్పు.. బాగ్‌మతి నది ఉగ్రరూపం

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags