క్రైమ్ మిర్రర్,తెలంగాణ స్టేట్ బ్యూరో: కరీంనగర్ మున్సిపల్ కార్పొరేషన్ (MCK) ఎన్నికల ఫలితాల్లో భారతీయ జనతా పార్టీ (BJP) చారిత్రాత్మక విజయాన్ని సాధించింది. మొత్తం “66 డివిజన్లలో“ బిజెపి “30 స్థానాలను“ కైవసం చేసుకుంది.
2026 ఫిబ్రవరి 13న వెలువడిన ఫలితాల ప్రకారం, బిజెపి మొదటిసారిగా ఈ కార్పొరేషన్లో అతిపెద్ద పార్టీగా అవతరించింది. ఏ పార్టీకి స్పష్టమైన మెజారిటీ (34 స్థానాలు) రానప్పటికీ, స్వతంత్ర అభ్యర్థుల మద్దతుతో బిజెపి మేయర్ పీఠాన్ని దక్కించుకునే అవకాశం ఉంది.
అధికార కాంగ్రెస్ పార్టీ 14 స్థానాలతో రెండో స్థానంలో నిలవగా, గతంలో అధికారంలో ఉన్న బిఆర్ఎస్ (BRS) కేవలం 9 స్థానాలకే పరిమితమైంది. తెలంగాణలోని ఒక మున్సిపల్ కార్పొరేషన్పై బిజెపి జెండా ఎగురవేయడం ఇదే మొదటిసారి అని కేంద్ర మంత్రి బండి సంజయ్ కుమార్ పేర్కొన్నారు.
కేంద్ర మంత్రి బండి సంజయ్ కుమార్ నాయకత్వంలో ఈ విజయం సాధ్యమైందని పార్టీ శ్రేణులు సంబరాలు చేసుకుంటున్నాయి. ఫిబ్రవరి 16న కొత్త కార్పొరేటర్ల ప్రమాణ స్వీకారం, మేయర్ ఎన్నిక జరగనుంది..
