Srikanth

తమిళనాడు రాజకీయ యవనికపై ప్రభుత్వ ఏర్పాటు దిశగా అత్యంత కీలకమైన అడుగులు పడుతున్నాయి. తమిళగ వెట్రి కళగం (TVK) అధినేత విజయ్ మరోసారి రాజ్భవన్లో గవర్నర్ రాజేంద్ర విశ్వనాథ్ అర్లేకర్తో భేటీ అయ్యారు. రాష్ట్రంలో సుస్థిర పరిపాలన అందించేందుకు వీలుగా తమ పార్టీని ప్రభుత్వం ఏర్పాటుకు ఆహ్వానించాలని ఆయన గవర్నర్ను కోరారు. ఎన్నికల ఫలితాల వెల్లడి తర్వాత విజయ్ గవర్నర్ను కలవడం ఇది మూడోసారి కావడం ప్రాధాన్యత సంతరించుకుంది. ప్రభుత్వం ఏర్పాటుకు అవసరమైన స్పష్టమైన మెజారిటీ తమకు ఉందని దానికి సంబంధించిన పత్రాలను ఆయన గవర్నర్కు సమర్పించారు. తమిళనాడు రాజకీయాల్లో గంట గంటకు సరికొత్త పరిణామాలు చోటుచేసుకుంటున్నాయి. విజయ్ తన ప్రభుత్వంలో మిత్రపక్షాలకు భాగస్వామ్యం కల్పించే విషయంలో సంచలన నిర్ణయాలు తీసుకున్నారు. తమకు మద్దతు ఇచ్చే పార్టీలను గౌరవిస్తూ అధికారంలో సముచిత వాటా ఇవ్వాలని ఆయన నిశ్చయించుకున్నారు. ఈ మేరకు కాంగ్రెస్ పార్టీకి మూడు మంత్రి పదవులు కేటాయించనున్నట్లు వెల్లడించారు. అటు డీఎండీకే నేత ప్రేమలతకు కూడా మంత్రి పదవి ఇచ్చేలా ఒప్పందం కుదిరింది. మిత్రపక్షాలను కలుపుకుపోవాలనే విజయ్ ఆలోచన ఇప్పుడు రాజకీయ వర్గాల్లో హాట్ టాపిక్ గా మారింది. మరోవైపు వీసీకే పార్టీ విజయ్ ప్రభుత్వానికి మద్దతు ఇచ్చేందుకు కొన్ని కీలక షరతులు విధించింది. మంత్రి పదవితో పాటు విజయ్ రాజీనామా చేసిన తిరుచ్చి ఈస్ట్ అసెంబ్లీ స్థానాన్ని తమకే కేటాయించాలని వీసీకే డిమాండ్ చేసింది. ఆ స్థానం నుంచి వీసీకే అధ్యక్షుడు తిరుమావళన్ స్వయంగా పోటీ చేయనున్నట్లు సమాచారం అందుతోంది. ఈ ప్రతిపాదనకు టీవీకే అధినేత విజయ్ సానుకూలంగా స్పందించి గ్రీన్ సిగ్నల్ ఇచ్చారు. దీంతో వీసీకే ప్రభుత్వంలో చేరడానికి మార్గం సుగమమైంది. చిన్న పార్టీలకు సైతం కేబినెట్ లో స్థానం కల్పించడం ద్వారా సుస్థిర పాలన అందించాలని విజయ్ గట్టిగా భావిస్తున్నారు. ఈ పరిణామాల మధ్య వామపక్షాలు తమ వైఖరిని స్పష్టం చేశాయి. సీపీఐ.. సీపీఎం పార్టీలకు తలా ఒక మంత్రి పదవిని కేటాయించినప్పటికీ వారు కేబినెట్లో చేరడానికి నిరాకరించారు. కేవలం టీవీకే ప్రభుత్వ ఏర్పాటుకు మాత్రమే తాము మద్దతు ఇస్తున్నామని లెఫ్ట్ పార్టీలు ప్రకటించాయి. మంత్రి పదవులు తమకు వద్దని.. కేవలం ప్రజా సమస్యల పరిష్కారం కోసం బయట నుంచే మద్దతు ఇస్తామని వామపక్ష నేతలు స్పష్టం చేశారు. మతవాద శక్తులకు వ్యతిరేకంగా తమ పోరాటం నిరంతరం కొనసాగుతుందని వారు పేర్కొన్నారు. ఆదర్శవంతమైన రాజకీయాలకు తాము కట్టుబడి ఉన్నామని చాటిచెప్పారు. ప్రభుత్వ ఏర్పాటును పరోక్షంగా అడ్డుకోవాలని చూస్తున్న బీజేపీకి వామపక్షాల నిర్ణయం పెద్ద దెబ్బగా మారింది. అధికార దాహం లేకుండా కేవలం సిద్ధాంతాల కోసమే తాము పని చేస్తామని లెఫ్ట్ పార్టీలు నిరూపించాయి. రాష్ట్ర ప్రయోజనాల పరిరక్షణ కోసం భవిష్యత్తులో డీఎంకేతో కలిసి పోరాడతామని వామపక్షాలు వెల్లడించాయి. ప్రస్తుతానికి విజయ్ ప్రభుత్వం ఏర్పడటానికి సహకరిస్తూనే.. ప్రజా వ్యతిరేక విధానాలపై గళమెత్తుతామని వారు తెలిపారు. ఈ తాజా పరిణామాలతో తమిళనాడులో సంకీర్ణ రాజకీయాల కొత్త అధ్యాయం మొదలవుతోంది. ALSO READ: కేంద్రం నిధులు లేకపోతే పంచాయతీలు సున్నా.. రేవంత్ సర్కార్పై ఈటల రాజేందర్ నిప్పులు!

TOP AUTHORS

Most Read

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

22A భూముల వ్యవహారంపై హరీశ్ రావు సంచలన ఆరోపణలు.. రాహుల్ గాంధీకి బహిరంగ లేఖ

EDITOR PICKS

జపాన్‌లో ‘మిరాయ్’ జోరు.. అడ్వాన్స్ బుకింగ్స్‌లో అదరగొడుతున్న తేజ సజ్జా సినిమా!

నాగపంచమి వేళ వింత ఆచారం.. గడ్డి తింటున్న 70 ఏళ్ల వృద్ధుడు.. చూసేందుకు పోటెత్తిన జనం

రేగా కాంతారావుకు హైకోర్టులో ఊరట.. లైంగిక వేధింపుల కేసు కొట్టివేత

POPULAR POSTS

మునుగోడు ఆశ..రాజన్న శ్వాస..

RGV: బలవంతుడిదే రాజ్యం.. గెలిచిన వారి మతంలో చేరుతా!

డ్రైవింగ్ లైసెన్స్‌ నేరుగా ఇంటికే..!

POPULAR CATEGORY

ABOUT US

Trending Tags