బిహార్ రాష్ట్రంలోని నలందా జిల్లాలో ఒక సంచలన ఘటన చోటుచేసుకుంది. రాజ్గిర్ పరిసర ప్రాంతంలో ఓ యువకుడు తన ప్రియురాలిపై అమానుషంగా ప్రవర్తించిన సంఘటన స్థానికంగా కలకలం రేపింది. సమాచారం ప్రకారం, యువతి తనను పెళ్లి చేసుకోవడానికి నిరాకరించడంతో ఆగ్రహానికి లోనైన యువకుడు, ఆమెను బైక్కు పట్టుకుని సుమారు 100 మీటర్ల దూరం వరకు ఈడ్చుకెళ్లాడు.
ఈ ఘటనలో బైక్ అదుపు తప్పి ఇద్దరూ రోడ్డుపై పడిపోయారు. సంఘటనను గమనించిన స్థానికులు వెంటనే అక్కడికి చేరుకుని యువకుడిని అదుపులోకి తీసుకున్నారు. అతని ప్రవర్తనపై ఆగ్రహం వ్యక్తం చేసిన వారు, దారుణంగా కొట్టిన తర్వాత పోలీసులకు అప్పగించారు.
గాయపడిన యువతిని సమీప ఆసుపత్రికి తరలించి చికిత్స అందిస్తున్నారు. ఘటనపై కేసు నమోదు చేసిన పోలీసులు పూర్తి స్థాయిలో దర్యాప్తు చేపట్టారు. యువకుడి చర్యల వెనుక ఉన్న కారణాలను వివరంగా తెలుసుకుంటున్నారు.
ప్రస్తుతం దీనికి సంబంధించిన వీడియో సోషల్ మీడియాలో వైరల్ గా మారింది. ఈ వీడియో చూసిన నెటిజన్లు ఆ యువకుడి తీరుపై తీవ్రంగా మండిపడుతున్నారు.
also read: అహ్మదాబాద్ ఎయిరిండియా AI-171 ప్రమాదం: తుది దశకు చేరిన దర్యాప్తు, అక్టోబర్లో ఫైనల్ రిపోర్ట్