-
క్యాబ్ డ్రైవర్లు, ఫుడ్ డెలివరీ బాయ్స్ కు ఊరట..
-
వృద్ధులైన తల్లిదండ్రులను నిర్లక్ష్యం చేస్తే వేతనంలో 10% కోత..
క్రైమ్ మిర్రర్, తెలంగాణ స్టేట్ బ్యూరో: తెలంగాణ ముఖ్యమంత్రి ఎ.రేవంత్ రెడ్డి అధ్యక్షతన తెలంగాణ కేబినెట్ సమావేశం సచివాలయంలో సాయంత్రం 5 గంటలకు జరగనుంది. అసెంబ్లీ బడ్జెట్ సమావేశాల నేపథ్యంలో జరుగుతున్న ఈ భేటీలో “గిగ్ వర్కర్ల” బిల్లుతో పాటు సుమారు 10 కీలక బిల్లులకు ఆమోదం తెలిపే అవకాశం ఉంది.
గిగ్ వర్కర్ల బిల్లు 2025: క్యాబ్ డ్రైవర్లు, ఫుడ్ డెలివరీ బాయ్స్ వంటి సుమారు 3-4 లక్షల మంది అసంఘటిత రంగ కార్మికులకు సామాజిక భద్రత కల్పించడం ఈ బిల్లు ప్రధాన లక్ష్యం. ఈ చట్టం అమలైతే సమగ్ర గిగ్ వర్కర్ల చట్టం తెచ్చిన తొలి రాష్ట్రంగా తెలంగాణ నిలుస్తుంది.
తల్లిదండ్రుల సంరక్షణ – వేతన కోత: వృద్ధులైన తల్లిదండ్రులను నిర్లక్ష్యం చేసే ప్రభుత్వ ఉద్యోగుల వేతనంలో 10% కోత విధించే వినూత్న ప్రతిపాదనను కూడా కేబినెట్ పరిశీలించే అవకాశం ఉంది.
బడ్జెట్ పథకాలు: ఇటీవల ప్రవేశపెట్టిన రూ. 3.24 లక్షల కోట్ల బడ్జెట్లోని కొత్త పథకాల అమలు తీరుపై కూడా ఈ సమావేశంలో చర్చించనున్నారు.
ముఖ్యమైన నిబంధనలు: గిగ్ వర్కర్ల కోసం ప్రత్యేక సంక్షేమ బోర్డు ఏర్పాటు, అగ్రిగేటర్ల నుంచి 1-2 శాతం వాటాతో సంక్షేమ నిధి సేకరణ, మరియు కారణం లేకుండా ఉద్యోగాల నుంచి తొలగించకుండా నోటీసు పీరియడ్ వంటి అంశాలు బిల్లులో ఉండనున్నాయి.
