నేటి ఆధునిక జీవనశైలి, మారుతున్న ఆహారపు అలవాట్ల కారణంగా చాలామందిలో మధుమేహం (షుగర్), రక్తపోటు (బీపీ) సమస్యలు ఎక్కువగా కనిపిస్తున్నాయి. వీటిని నియంత్రణలో ఉంచుకోవాలంటే మందులతో పాటు సరైన ఆహారపు అలవాట్లు, జీవనశైలి మార్పులు అత్యంత కీలకమని ఆరోగ్య నిపుణులు సూచిస్తున్నారు.ముఖ్యంగా ఆహార నియమాల విషయంలో జాగ్రత్త వహించాలి. రోజువారీ వంటల్లో ఉప్పు వినియోగాన్ని తగ్గించాలి. మైదా, పాలిష్ చేసిన బియ్యం, చక్కెర పదార్థాలు, స్వీట్స్, ప్యాకేజ్డ్, ప్రాసెస్డ్ ఫుడ్స్కు దూరంగా ఉండటం మంచిది. వీటికి బదులుగా తాజా పండ్లు, ఆకుకూరలు, కూరగాయలు, తృణధాన్యాలు, ఫైబర్ అధికంగా ఉండే ఆహారాన్ని రోజువారీ డైట్లో చేర్చుకోవాలి.
ఆహారంతో పాటు శారీరక శ్రమ కూడా అంతే అవసరం. ప్రతిరోజూ క్రమం తప్పకుండా వ్యాయామం చేయాలి. ముఖ్యంగా భోజనం చేసిన తర్వాత 10 నుండి 15 నిమిషాల పాటు వాకింగ్ చేయడం వల్ల రక్తంలో చక్కెర స్థాయిలు అదుపులో ఉండటానికి సహాయపడుతుంది.
మానసిక ఒత్తిడి కూడా షుగర్, బీపీ స్థాయిలపై ప్రభావం చూపుతుంది. కాబట్టి ఒత్తిడిని తగ్గించుకునేందుకు రోజువారీ దినచర్యలో ధ్యానం, యోగా, ప్రాణాయామం వంటివి భాగం చేసుకోవాలి. అలాగే ప్రతిరోజూ 7 నుండి 8 గంటల పాటు నాణ్యమైన నిద్ర పోవడం ఆరోగ్యానికి ఎంతో మేలు చేస్తుందని నిపుణులు చెబుతున్నారు. క్రమశిక్షణతో కూడిన ఈ అలవాట్లను పాటిస్తే షుగర్, బీపీ సమస్యలను సమర్థవంతంగా నియంత్రించవచ్చు.
‘అక్వాన్’ తుఫాన్ ముప్పు: 21న తెలంగాణలో అతి భారీ వర్షాలు, ఈ జిల్లాలకు రెడ్ అలర్ట్ తరహా హెచ్చరికలు!
రజత్ పాటీదార్ వీరవిహారం: 48 బంతుల్లోనే 135 రన్స్తో చారిత్రాత్మక సెంచరీ!
