గ్రామీణ ఉపాధి హామీ నిధుల వినియోగంలో దేశంలోనే ఏపీ ఫస్ట్.. నాలుగో స్థానంలో తెలంగాణ!

క్రైమ్ మిర్రర్, ఆంధ్రప్రదేశ్:- మహాత్మా గాంధీ జాతీయ గ్రామీణ ఉపాధి హామీ పథకం నిధుల ఖర్చులో ఆంధ్రప్రదేశ్ రాష్ట్రం దేశంలోనే మొదటి స్థానంలో నిలిచి సరికొత్త రికార్డు సృష్టించింది. చట్టబద్ధమైన పని హక్కును కల్పిస్తూ గ్రామీణ ప్రాంత వేతనదారులకు అత్యధిక మొత్తంలో నిధులను అందించి ఏపీ అగ్రస్థానాన్ని కైవసం చేసుకుంది.

నిధుల ఖర్చు వివరాలు:-

ఆంధ్రప్రదేశ్ (1వ స్థానం): ఈ ఏడాది ఏప్రిల్ నుంచి ఇప్పటి వరకు ఏపీ ఏకంగా రూ. 7,194 కోట్లు వ్యయం చేసింది. మొత్తం ఖర్చులో ఉపాధి హామీ కూలీల వేతనాల కోసమే అత్యధికంగా రూ. 5,142 కోట్లు కేటాయించింది. మౌలిక వసతుల కల్పన మరియు మెటీరియల్ కాంపోనెంట్ కోసం రూ. 2,052 కోట్లు వెచ్చించింది.

ఇతర రాష్ట్రాల ప్రదర్శన:-

మహారాష్ట్ర (2వ స్థానం): రూ. 3,290 కోట్ల వ్యయంతో దేశంలో రెండో స్థానంలో నిలిచింది.

తమిళనాడు (3వ స్థానం): రూ. 3,117 కోట్ల ఖర్చుతో మూడో స్థానాన్ని దక్కించుకుంది.

తెలంగాణ (4వ స్థానం): రూ. 3,009 కోట్ల నిధులను వినియోగించి తెలంగాణ నాల్గవ స్థానంలో నిలిచింది.గ్రామీణ ప్రాంతాల్లో జీవనోపాధిని మెరుగుపరచడంలోనూ, రైతు కూలీలకు సకాలంలో వేతనాలు అందించడంలోనూ ఏపీ ప్రభుత్వం చూపిన చొరవపై అధికారుల నివేదికలు ప్రశంసలు వ్యక్తం చేస్తున్నాయి.

యూపీలో దారుణం.. ప్రేమ వివాదంలో యువతి హత్య!